پی پی 167 میں فائرنگ ، چیف الیکشن کمشنر نے نوٹس لے لیا

میڈیا رپورٹس کے مطابق چیف الیکشن کمشنر سکندر سلطان راجہ نے سیکرٹری الیکشن کمیشن کو آئی جی پنجاب سے رابطہ کرنے کی ہدایت کرتے ہوئے کہا کہ آئی جی پنجاب بلاتفریق ملزمان کی گرفتاری یقینی بنائیں۔

چیف الیکشن کمشنر نے ضابطہ اخلاق کی خلاف ورزی پر سخت کارروائی کا حکم دیتے ہوئے کہا کہ آئی جی پنجاب واقعہ کی شفاف انکوائری کروا کر رپورٹ الیکشن کمیشن کو پیشں کریں، آئی جی پنجاب اور انتظامیہ گن کلچر اورتشدد میں ملوث عناصر سے سختی سے نمٹیں۔

واضح رہے کہ لاہور میں صوبائی اسمبلی کے حلقہ پی پی167 پر ضمنی انتخاب کے لیے مہم کا سلسلہ جاری ہے، اس دوران مسلم لیگ ن اور پاکستان تحریک انصاف کے امیدواروں نے ایک دوسرے پر حملے کا الزام لگایا ہے جس پر پولیس تحقیقات کر رہی ہے۔