ایف آئی اے نے شوگر سٹہ مافیا کیخلاف کمر کس لی، گرفتاریوں کیلئے ٹیمیں تشکیل

تفصیلات کے مطابق فیڈر ل انویسٹی گیشن ( ایف آئی اے)  نے شوگرسٹہ مافیا کے خلاف کمرکس لی،دس بڑے گروپس کے خلاف مقدمات درج کرلیے گئے،لاہور اورفیصل آباد میں گرفتاریوں کے لیے ٹیمیں بھی تشکیل دے دی گئیں۔

ایف آئی اے نے  پنجاب کے مختلف علاقوں میں چینی کے بڑے   ڈیلرز کے گوداموں اور دفاتر پر چھاپے بھی مارے  اور  اہم ریکارڈ قبضے میں لے لیا۔چھاپوں کے بعد ڈیلرز نےچینی کی سپلائی بند کر دی ،جس سے مارکیٹ میں چینی کی قیمت میں اضافہ ہوگیا۔

ذرائع کے مطابق شوگر مافیا ایک سال کے دوران چینی کی ایکس مل قیمت میں 70سے90 روپے تک اضافے کا سبب بنا۔ ذرائع نے یہ بھی انکشاف کیا ہے کہ شوگر مافیا نے کمائی چھپانے کیلیے سینکڑوں خفیہ اور جعلی اکاؤنٹس  بنا رکھے ہیں۔ایف آئی اےکی جانب سے جلد انکوائری مکمل کر کے رپورٹ اعلیٰ حکام تک پہنچائی جائے گی۔