انسٹاگرام نے صارفین کے لیے نیا فیچر متعارف کروا دیا

تفصیلات کے مطابق فوٹو شیئرنگ ایپ انسٹاگرام کی جانب سے اسٹوری پر  ردعمل دینے کے لیے صارفین کو 8 ایموجیز کا آپشن پیش کیا جاتاہے لیکن اب انسٹاگرام اپنے صارفین کے لیے اسٹوریز  پر  رد عمل کے اظہار  کے لیے مزید اسٹیکرز کا آپشن متعارف کروانے جارہا ہے۔

انسٹاگرام انتظامیہ کا کہنا ہے کہ اسٹوری پر رد عمل دینے کے لیےمختلف فیچرز متعارف کروائے جائیں گے جن میں کسی ایک کا انتخاب کرتے ہوئے صارف انسٹاگرام اسٹوری پر کسی بھی دوسرے صارف کو اپنےرد عمل سےآگاہ کر سکتا ہے۔ ویڈیو میں انسٹاگرام اسٹوریز کے لیے 4 مختلف کیٹگریز کے اسٹیکرز  (ہیپی، لوو ، فنی اور سیڈ) دیکھے جا سکتے ہیں، اور ہر کیٹگری  میں مزید  5 اسٹیکرز  شامل ہیں۔

ٹوئٹر پر انسٹالیک ٹوئٹر ہینڈلر کی جانب سے ایک ویڈیو شیئر کرتے ہوئے اعلان کیا گیا ہے کہ انسٹاگرام  اسٹوریز  پر  رد عمل کے اظہار کے مختلف اسٹیکرز کی آزمائش کی جا رہی ہے۔

#instagram is testing a quick reply with a sticker in four categories in Stories. pic.twitter.com/FwuaLYIDnC

— InstaLeaks (@insta_leaks) March 24, 2021

لیکن  انسٹاگرام اسٹوریز کے لیے یہ اسٹیکرز کب متعارف کروائے جائیں گے، اس متعلق کوئی وقت نہیں بتایا گیا۔