جی این این سوشل

علاقائی

خیبر پختونخوا حکومت نے افغانستان کے زلزلہ زدگان کیلئے مزید سامان بھیج دیا 

پشاور: خیبر پختونخوا حکومت نے افغانستان کے زلزلہ زدگان کیلئے مزید سامان بھیج دیا ۔ 

پر شائع ہوا

کی طرف سے

خیبر پختونخوا حکومت نے افغانستان کے زلزلہ زدگان کیلئے مزید سامان بھیج دیا 
جی این این میڈیا: نمائندہ تصویر

جی این این کے مطابق  وزیر اعلی خیبر پختونخوا محمودخان کی ہدایت پر 16 ٹرک میں  امدادی سامان شمالی وزیرستان بھیج دیا گیا ہے ۔

 پی ڈی ایم اے کے مطابق  امدادی سامان میں پانچ سو ٹینٹس،پانچ سو کچن سیٹس،پانچ سو ہاجین سیٹس ، پانچ سو میٹرس،دو سو ترپال بھی سامان شامل ہیں ۔ 

پی ڈی ایم اے  کے مطابق محکمہ ریلیف کے تمام ٹیمیں بھی شمالی وزیر ستان میں موجود ہیں،وزیراعلیٰ محمود خان کی خصوصی ہدایات پر متاثرین کیساتھ ہر قسم کی تعاون کی جا رہی ہے۔ 

واضح رہے کہ افغانستان میں آنے والے زلزلے کے نتیجے میں اب تک ایک ہزار سے زائد افراد جاں  بحق ہوچکے جب کہ 1500 سے زائد زخمی  ہیں۔

 

 

پاکستان

حمزہ شہباز اور پرویز الٰہی سپریم کورٹ لاہور رجسٹری پہنچ گئے

اسلام آباد: سپریم کورٹ کی جانب سے طلب  کیے جانے پر وزیراعلیٰ  پنجاب حمزہ شہباز اور اسپیکر پرویز  الٰہی سپریم کورٹ لاہور  رجسٹری پہنچ گئے۔

پر شائع ہوا

ویب ڈیسک

کی طرف سے

حمزہ شہباز اور پرویز الٰہی سپریم کورٹ لاہور رجسٹری پہنچ گئے

تفصیلات کے مطابق پاکستان تحریک انصاف کے وکلاء  فیصل چوہدری اور امتیاز صدیقی کی جانب سے سپریم  کورٹ میں درخواست دائر کی گئی جس میں درخواست کے فیصلے تک وزیراعلیٰ پنجاب کا انتخاب روکنے کی استدعا کی گئی ہے۔

سپریم کورٹ میں چیف جسٹس پاکستان جسٹس عمر عطا بندیال کی سربراہی میں تین رکنی بینچ پی ٹی آئی کی اپیل پر سماعت کررہا ہے، جسٹس اعجاز الاحسن اور جسٹس جمال خان مندوخیل بھی بینچ کا حصہ ہیں۔

سماعت کےآغاز  پر لاہور سے پی ٹی آئی کے وکیل امتیاز صدیقی ویڈیو لنک پر پیش ہوئے جبکہ  پی ٹی آئی کی طرف سے بابراعوان عدالت میں پیش ہوئے۔

دورانِ سماعت جسٹس اعجازالاحسن نے ریمارکس دیے کہ اتفاق نہیں کرتا کہ کوئی ممبرموجود نہیں تو انتظارکرکے ووٹنگ کرائی جائے، ممبران جو موجود ہوتے ہیں اسمبلی ہال میں ہوں یا چیمبرز میں،ان کے ووٹ شمار ہوتے ہیں، آپ صرف بتائیں کہ ووٹنگ کے لیے کم وقت دینے کی درخواست پرکیا دلیل ہے؟

چیف جسٹس نے پی ٹی آئی کے وکیل سے مکالمہ کیا کہ لاہورہائیکورٹ کا فیصلہ بظاہرآپ کے حق میں ہوا ہے، آپ بتائیں کہ آپ کے حق میں فیصلہ ہوا یا نہیں؟ آپ اپنی درخواست کی بنیاد بتائیں۔

چیف جسٹس پاکستان نے کہا کہ درخواست تو یہ ہے کہ کچھ اراکین حج پر،کچھ شادی بیاہ پرگئے، ان کو آنے دیں، سپریم کورٹ اس معاملے میں مداخلت کیوں کرے؟ کیا پی ٹی آئی چاہتی ہے کہ مزید وقت دیا جائے؟ کس اصول کے تحت ہم لاہورہائیکورٹ کے فیصلے میں مداخلت کریں؟ لاہور ہائیکورٹ کے فیصلے میں اختلافی نوٹ میں ووٹنگ کی تاریخ کل کی ہے، کیا آپ کل ووٹنگ پر تیار ہیں؟

سماعت کے دوران  بابر اعوان  نے پنجاب میں دوبارہ انتخابی عمل کیلئے 7 دن کا وقت مانگ لیا۔ جسٹس اعجاز نے ریمارکس  دیے کہ ملک کے اندر موجود ارکان ایک دن میں پہنچ سکتے ہیں، آپ کے منحرف اراکین کے ووٹ پہلے ہی نکل چکے ہیں، پی ٹی آئی کے اراکین کو لاہور پہنچنے میں کتنا وقت لگے گا؟ آپ چاہتے ہیں کہ 7 دن کے لیے پنجاب بغیر وزیراعلیٰ کے رہے؟ موجودہ وزیراعلیٰ کا مسئلہ یہ ہے کہ ان کا انتخاب ہی درست نہیں ہوا، اگر وزیراعلیٰ نہ ہوتو کون صوبے کا انتظام سنبھالتا ہے؟

چیف جسٹس نے کہا کہ کسی وجہ سے وزیراعلیٰ عہدہ سنبھالنے کے قابل نہیں ہے تو پھر کون انتظام دیکھے گا؟ ہائیکورٹ چاہتا ہے کہ صوبے میں حکومت قائم رہے، کیا پنجاب میں قائم مقام وزیراعلیٰ والا فارمولا اپلائی ہوسکتا ہے؟ یہ نہیں ہوسکتا کہ سابق وزیراعلیٰ بحال ہوں۔

جسٹس اعجاز نے مزید ریمارکس دیے کہ 25 ممبران نکال دیں تو پی ٹی آئی کے کتنے ممبران اسمبلی ہیں؟ وزیراعلیٰ کے پاس186 ووٹ نہیں تو فی الحال برقرار رہنا مشکل ہے، وزیراعلیٰ بیمار ہوجائے یا باہر جائے تو کون صوبہ چلاتا ہے؟

سپریم  کورٹ نے سماعت کو کچھ دیر کے لیے ملتوی کیا جس کے دوبارہ آغاز پر جسٹس اعجاز الاحسن نے کہا واضح ہے کہ آج 4 بجے انتخابی عمل نہیں ہوسکتا، اس بات میں وزن ہے کہ17 جولائی کے ضمنی انتخابات کے بعد وزیراعلیٰ کا انتخاب ہو، ضمنی انتخابات کے بعد عدم اعتماد کی تحریک بھی آسکتی ہے، 7 دن کا وقت مناسب نہیں لگتا، اختلافی نوٹ میں دیے گئے وقت میں ایک دن کا اضافہ ہوسکتا ہے، حمزہ شہباز کو جاری رکھنے پر اعتراض نہیں تو نقطہ صرف الیکشن کے وقت کا رہ گیا۔

سپریم کورٹ نے وزیراعلیٰ پنجاب حمزہ شہباز اور اسپیکر  پنجاب اسمبلی پرویز الٰہی کو عدالت طلب کرلیا۔ چیف جسٹس نے کہا کہ وزیراعلٰی حمزہ شہباز اور اسپیکر پنجاب اسمبلی پرویز الٰہی کو بلا کر پوچھ لیتے ہیں،  اسپیکر پنجاب اسمبلی بتائیں کہ وہ پیش ہوسکتے ہیں یا تحریری  جواب جمع کرائیں گے، اگر جواب 3:45 سے پہلے آ جاتے ہیں تو 4 بجے سے پہلے سماعت مکمل کریں گے

بعد ازاں عدالت نے ایک بار پھر سماعت میں 30 منٹ کا وقفہ کردیا۔

پڑھنا جاری رکھیں

تجارت

پنشن میں اضافہ ، وفاقی حکومت کی جانب سے نوٹیفیکیشن جاری

اسلام آباد: وفاقی حکومت نے اپنے ملازمین کیلئے  یکم جولائی 2022 سے پنشن میں 15 فیصد اضافے کا  نوٹی فکیشن جاری کردیا ۔ 

پر شائع ہوا

ویب ڈیسک

کی طرف سے

پنشن میں اضافہ ، وفاقی حکومت کی جانب سے نوٹیفیکیشن جاری

جی این این کے مطابق وفاقی حکومت سے  جاری نوٹی فکیشن کے مطابق  پینشنز کی مد میں اضافہ 10 فیصد سے بڑھا کر 15 فیصد کر دیا گیا ہے ۔ 

یکم اپریل 2022 کو پنشن میں 10فیصد اضافے کیا گیا تھا تاہم  یکم جولائی 2022 سے پنشن میں 15 فیصد اضافے کا ہو گا،  پنشن میں اضافے کا اطلاق وفاق کے تمام ریٹائرڈ ملازمین کیلئے ہوگا۔ 

 نوٹیفیکیشن میں کہا گیا ہے کہ  مسلح افواج اور قانون نافذ کرنیوالے اداروں کے ملازمین پر بھی اطلاق ہوگا ، پنشن میں 15 فیصد اضافہ یکم جولائی کو ریٹائرڈ ہونیوالے ملازمین کیلئے بھی ہوگا ۔  

ریٹائرڈ ہونے والے ملازمین کیلئے 2016 سے 2021 تک کے ایڈہاک ختم ہو جائیں گے۔ 

 

پڑھنا جاری رکھیں

پاکستان

راولپنڈی سے پریڈگراؤنڈ تک ریلی کی قیادت کروں گا:عمران خان

اسلام آباد: سابق وزیر اعظم عمران خان نے 2 جولائی کو شیڈول اپنے جلسے کے حوالے سے کہا ہے کہ وہ راولپنڈی سے پریڈگراؤنڈ تک ریلی کی قیادت کریں گے۔

پر شائع ہوا

ویب ڈیسک

کی طرف سے

راولپنڈی سے پریڈگراؤنڈ تک  ریلی کی قیادت کروں گا:عمران خان

سماجی رابطے کی ویب سائیٹ ٹوئیٹر پر جاری پیغام میں سابق وزیر اعظم عمران خان نے کہا کہ عوام کو تیل کی بڑھتی ہوئی قیمتوں کے بوجھ تلے کچلنے کے خلاف پریڈ گراؤنڈ میں کل ہمارا تاریخی جلسہ ہوگا۔

انہوں نے کہا کہ امپورٹڈ حکومت کے سیاسی عدم استحکام اور موسم گرما کے عروج پر عوام درپیش بے انتہاء لوڈ شیڈنگ کے مسئلے پر راولپنڈی سے پریڈ گراؤنڈ تک خود ریلی کی قیادت کروں گا۔

واضح رہے کہ سابق وزیر اعظم عمران خان نے اپنے ایک خصوصی پیغام کے ذریعے 2 جولائی کو مہنگائی اور ملک میں جاری سیاسی عدم استحکام کے خلاف 2 جولائی کو اسلام آباد پریڈ گراؤنڈ میں جلسے اور ملک بھر میں پُرامن احتجاج کی کال دے رکھی ہے۔

پڑھنا جاری رکھیں

ٹرینڈنگ

Take a poll