سینیٹ میں میرا انتخاب پی ڈی ایم کی فتح ہے: یوسف رضا گیلانی

تفصیلات کے مطابق سینٹ میں قائد حزب اختلاف مقرر ہونے کے بعد پریس کانفرنس کرتے ہوئے سینیٹر سید یوسف رضا گیلانی کا کہنا تھا کہ  حکومت مخالف تحریک میں ہم نے استعفوں کو آخری اپشن رکھا تھا ۔محترمہ بی بی ہمیشہ مجھے کہتی تھی کہ الیکشن میں کبھی بائیکاٹ نہیں کرنا چاہئے۔ محترمہ نے نوازشریف کو بھی تلقین کی تھی کہ الیکشن سے بائیکاٹ نہیں کرنا چاہئے۔ بی بی کی شہادت کے بعد بھی نواز شریف نے الیکشن سے بائیکاٹ کا فیصلہ کیا تھا مگر آصف زرداری نے نوازشریف کو قائل کیا تھا اور بائیکاٹ نا کرنے کا مشورہ دیا تھا ۔

یوسف رضا گیلانی نے کہا ہمارا موقف تھا کہ پارلیمنٹ لے اندر اور باہر ہم نے اپنی جدوجہد جاری رکھنی ہے، جلسے، ریلیاں، احتجاج سب میں ہم شامل رہے ہم نے اپنے قانونی ماہرین سے مشاورت کی۔ قانونی ماہرین نے کہا تھا کہ استعفوں کے بعد بھی سینٹ کا الیکشن ہوگا ہم نے اپنے موقف سے پی ڈی ایم کو آگاہ کیا تھا۔ پی ڈی ایم نے ہماری بات مانی اور ضمنی الیکشن اور سینٹ الیکشن میں حصہ لیا۔