‏ پیٹرولیم بحران: معاون خصوصی ندیم بابر کو عہدے سے مستعفی ہونے کی ہدایت

تفصیلات کے مطابق  وفاقی وزیر اسدعمر  کا میڈیا سے گفتگو کرتے ہوئے کہنا تھا  کہ رپورٹ میں پیٹرولیم مصنوعات کے بحران کی وجوہات کا باریک بینی سے تجزیہ کیا گیاہے،غیر قانونی تیل کی فروخت کو بھی رپورٹ میں سامنے لایا گیاہے۔

اسد عمر نے کہا کہ وزیر اعظم کی جانب سے ندیم بابر کو  عہدے سے مستعفی ہونے کی ہدایت کردی گئی ہے جبکہ سیکریٹری پیٹرولیم کو بھی  عہدے سے ہٹا کر  اسٹیبلشمنٹ ڈویژن بھیج دیا گیا۔پیٹرولیم منسٹری کو کہا گیا ہے کہ وہ تمام انتظامی فیصلوں پر وزیراعظم کو دوبارہ رپورٹ کریں۔

قانون سازی کے اندر ابہام پیدا ہوا کہ اوگرا اور پیٹرولیم ڈویژن کی کیا زمہ داری ہے،اوگرا کہتا تھا کہ یہ کام پیٹرولیم ڈویژن کا کرنے والا ہے اور پیٹرولیم ڈویژن اوگرا پر ڈالٹا تھا۔ اس قانونی ابہام کو ختم کرنا ہے۔

ان کا کہنا تھا کہ معیشت کو نقصان پہنچانے والوں کے لیے بہت ہی کم سزائیں ہیں۔ ۔ ہر ادارے میں بڑے بڑے مافیہ بنے ہوئے ہیں۔  وقت کے ساتھ ساتھ مافیا مضبوط ہوتے جا رہے تھے۔

وزیراعظم مافیا کو نہیں چھوڑیں گے۔ کوئی شک نہیں کہ جو زمہ داری اداروں کو دی گئی تھی وہ پوری نہ کر پائے، وزیراعظم عمران خان کے تمام فیصلے عوام کی بہتری کیلئے ہوتے ہیں۔

ہم نے دیکھنا ہے کہ آخر کیوں ادارے پرفارم نہیں کر پائے؟ کیا ان میں کرپشن تھی؟