مصر کے شہر سوھاج میں دو ٹرینوں میں تصادم، 32 مسافر ہلاک،91 زخمی

تفصیلات کے مطابق مصر کی ریلوے اتھارٹی کی جانب سے بتایا گیا ہے کہ کہ جنوبی مصر میں ٹرین کے حادثے میں کم از کم 32 افراد ہلاک اور 60 سے زیادہ زخمی ہوگئے ہیں۔

صوبہ سوہاگ میں دو مسافر ٹرینیں آپس میں ٹکرا گئیں جس کے بعد ٹرینیں پٹری سے اتر کرالٹ گئیں۔

اتھارٹی نے بتایا کہ "نامعلوم افراد" کے ذریعہ ٹرین میں ہنگامی بریک کو چالو کیا گیا تھا ، جس کی وجہ سے ٹرین پیچھے سے ٹکرا گئی۔ ریل اتھارٹی نے مزید بتایا کہ وہ تحقیقات کررہی ہے اور جلد از جلد تفصیلات سے آگاہ کرے گی۔

مصر کے وزارت صحت کے ایک بیان میں کہا گیا ہے کہ بتیس افراد ہلاک اور 91 زخمی ہوئے۔ وزارت کے ترجمان نے خبر رساں ادارے روئٹرز کو بتایا ہے کہ زخمیوں کی تعداد 91 ہے۔

 یاد رہے2002 میں مصر میں ٹرین کا مہلک حادثہ پیش آیا  تھا جس میں قاہرہ کے جنوب میں سفر کرنے والی ٹرین میں آگ لگنے سے 373 افراد ہلاک ہوگئے۔