کراچی :عید کے تینوں دن بارش کی پیش گوئی

تفصیلات کے مطابق کراچی میں اورنگی ٹاؤن ،شارع فیصل، گلشن اقبال، ناظم آباد، ملیر سمیت مختلف علاقوں میں وقفے وقفے سے ہلکی اور تیز بارش کا سلسلہ جاری ہے جبکہ عید کے تینوں دن بھی بارش برسنے کی پیش گوئی کر دی گئی ہے۔

محکمہ موسمیات کے مطابق بحیرہ عرب سےمون سون کاسلسلہ بدستور سندھ میں داخل ہو رہا ہے، مون سون ہواؤ ں کے زیراثرکراچی، دادو اور جامشورومیں7 جولائی تک گرج چمک کے ساتھ بارش کا امکان ظاہر کیا گیا ہے۔

بتایا گیا ہےکہ کراچی میں7 جولائی تک مطلع جزوی ابر آلود اور موسم مرطوب رہےگا، حیدرآباد، نواب شاہ، جیکب آباد اور قمبر شہدادکوٹ میں بھی7جولائی تک گرج چمک کےساتھ بارش کا امکان ہے۔

دوسری جانب محکمہ موسمیات کا کہنا ہے کہ عیدالاضحیٰ پر لاہور میں موسم ابر آلود رہنے کا امکان ہے تاہم لاہور سمیت پنجاب کے دیگر علاقوں میں عید پر بارش نہ ہونے کی پیش گوئی کی گئی ہے۔