پیپلز پارٹی کا اپوزیشن لیڈر سلیکٹڈ ہے : احسن اقبال

مسلم لیگ ن کے رہنما احسن اقبال کا پریس کانفرنس میں کہنا ہے کہ  جنوبی پنجاب کے لوگ بھی اس حکومت کی سزا کاٹ رہے ہیں ، بہاولپور اور جنوبی پنجاب صوبہ بنانے کیلئےحکومت کی حمایت کو تیار ہیں ،حکومت پاکستان کی معیشت پر کاری وار کرنا چاہتی ہے ،  حکومت اسٹیٹ بینک کو آئی ایم ایف کے پاس گروی رکھنا چاہتی ہے ، حکومت ملک کی خودمختاری کا سودا کررہی ہے ۔انہوں نے کہا کہ  حکومت معاشی طور پر غیر آئینی اقدامات کررہی ہے، ڈاکٹر عارف علوی نے ایوانِ صدر کو آرڈیننس فیکٹری بنادیا ہے، حکومت پارلیمنٹ کو نظر انداز کر کے ٹیکسوں کی بھرمار کررہی ہے۔

 احسن اقبال نے کہا   یوسف رضا گیلانی کا جمہوری فرض تھا کہ وہ سب کو اعتماد میں لیتے، پیپلز پارٹی کا اپوزیشن لیڈر سلیکٹڈ ہے، پیپلز پارٹی بی اے پی سے الائنس کرکے پی ڈی ایم سے علیحدہ ہوگئی، پیپلز پارٹی نے جو کیا انہیں نقصان ہوگا ،مسلم لیگ ن پی ڈی ایم کی ہم خیال جماعتوں کے ساتھ ہے۔