اہلیہ سے صرف لباس پر ہی جھگڑا ہوتا ہے :پروڈیوسر مانی

تفصیلات کے مطابق پاکستان شوبز انڈسٹری کے دو بڑے نام اداکارہ حرا اور پروڈیو سرمانی نے 2008 میں کم عمری میں شادی کی تھی اور اب دونوں کے دو بچے بھی ہیں۔اسی بات کو آگے بڑھاتے ہوئے مانی نے بتایا کہ البتہ انہیں شروع سے ہی اہلیہ کے لباس سے مسئلہ رہا ہے۔

مانی نے اعتراف کیا کہ چوں کہ وہ پاکستانی ہیں، اس لیے وہ شروع سے ہی اہلیہ کے لباس پر رائے دیتے رہے ہیں اور اہلیہ کو بولڈ لباس پہننے سے منع بھی کرتے رہے ہیں۔انہوں نے واضح کیا کہ سماجی روایات کو دیکھ کر لباس پہننا چاہیے، ماضی سے لے کر اب تک ان کے اہلیہ کے ساتھ صرف لباس کے معاملے پر ہی جھگڑے ہوتے ہیں اور وہ اہلیہ کو بتاتے ہیں کہ انہیں کس طرح کا لباس پہننا چاہیے۔

مانی کے مطابق وہ اہلیہ کو لباس پہننے سے منع نہیں کرتے بلکہ وہ انہیں سمجھاتے ہیں کہ وہ جہاں، جس تقریب میں جا رہی ہیں، وہاں کے حساب سے لباس پہنیں۔اداکار کا کہنا تھا کہ انہیں ایسی لڑکیاں یا خواتین بلکل پسند نہیں ہوتیں جو پہلے کچھ اور ہوتی ہیں اور پھر کسی موقع پر وہ بلکل مختلف طرح کا لباس پہن کر کچھ اور لگتی ہیں۔