عالمی منڈی میں خام تیل کی قیمتوں میں مزید کمی

غیر ملکی خبر رساں ادارے کے مطابق بدھ کو عالمی مارکیٹ میں برطانوی برینٹ کروڈ آئل کی قیمت مزید 2.99 ڈالر جبکہ امریکی خام تیل ویسٹ ٹیکساس انٹرمیڈیٹ  کی قیمت میں 3.19 ڈالر کمی ہوئی ہے۔

قیمتوں میں کمی کے بعد برطانوی کروڈ آئل (برینٹ) کی قیمت 99.78 ڈالر فی بیرل جبکہ امریکی خام تیل ویسٹ ٹیکساس انٹرمیڈیٹ (ڈبلیو ٹی آئی) کی قیمت 96.31 ڈالر فی بیرل پر آگئی ہے۔

بین الاقوامی میڈیا رپورٹس میں بتایا گیا ہے کہ عالمی منڈی میں خام تیل کی یہ قیمتوں 11 اپریل 2022ء کے بعد سے اب تک کی کم ترین قیمتیں ہیں۔

بتایا گیا ہے کہ قیمتوں میں حالیہ کمی کی وجوہات ناروے میں ورکرز کی ہڑتال کی وجہ سے تیل کی پیداوار میں متوقع کمی ہیں، عالمی سطح پر کساد بازاری کے خدشات اور دیگر کرنسیوں کے مقابلے میں ڈالر کی قدر میں اضافہ ہے۔