پی ڈی ایم استعفوں کی بجائے اجتماعی گرفتاریوں پر غور کرے : آصف زرداری

تفصیلات کے مطابق  سربراہ پیپلزپارٹی آصف زرداری کی سابق ٹکٹ ہولڈر فیصل میر سے ٹیلی فون پر گفتگو ہوئی ، سابق صدر  آصف زرداری نے جیل بھرو تحریک کی تجویز پیش کردی۔

سابق صدر آصف علی زرداری کا کہنا ہے کہ  پاکستان ڈیموکریٹک موومنٹ (پی ڈی ایم ) استعفوں کی بجائے اجتماعی گرفتاریوں پر غور کرے،  پی ڈی ایم کے ڈیڑھ سو ارکان قومی اسمبلی اور کارکنوں کی جیل بھرو تحریک حکومت کو گھٹنوں پر لا سکتی ہے، ارکان قومی اسمبلی اور پی ڈی ایم کی جماعتوں کے ہزاروں کارکن جیلیں بھریں گے تو حکومت کے خلاف تحریک کا مومینٹم بنے گا۔

آصف علی زرداری نے کہا کہ  ملک بھر میں عوام سڑکوں پر نکلے تو حکومت پر دباؤ بڑھایا جا سکے گا۔ استعفے دینے سے حکومتی پارٹی مضبوط،  اپوزیشن کی جماعتیں  کمزور ہو جائیں گی۔