فیس بک پر عطیہ کی جانے والی رقم پانچ ارب ڈالر تک جاپہنچی

تفصیلات کے مطابق فیس بک پردنیا بھر کے لوگوں کی جانب سے  پانچ ارب ڈالر کا عطیہ جمع کیا جا چکا ہے، اگرچہ فیس بک کو لوگوں کی جاسوسی، جعلی خبروں اور غلط معلومات کا گڑھ بھی سمجھا جاتا رہا ہے لیکن اس پلیٹ فارم کےمثبت پہلو بھی سامنے آرہے ہیں۔ اب فیس بک نے باضابطہ طور پر اپنےمرکزی پلیٹ فارم، اس کے ٹولز اور انسٹاگرام پر 12 ماہ کے دوران پانچ ارب ڈالر کی رقم عطیہ کرنے کی تصدیق کی ہے۔

 فیس بک کی جانب سے اس نیک عمل کے لیے  کئی طرح کے ٹولز متعارف کرائے گئے جو مختلف تنظیموں کو فنڈ جمع کرنے میں مدد دیتے ہیں۔ فیس بک کے مطابق ماحولیاتی اور انسانی عوام کی بنا پر اس نے عطیہ اور عطیہ کنندگان پر خصوصی توجہ رکھی ہے۔

یاد رہے فیس بک پر  2020 میں کورونا وبا میں لوگوں کی مدد کرنے کے ضمن میں 17 کروڑ 50 لاکھ ڈالر عطیہ کئے گئے تھے۔