صوبائی وزیر سعید غنی کا کورونا ٹیسٹ مثبت آگیا

تفصیلات کے مطابق صوبائی وزیر محنت اور پیپلز پارٹی کے مرکزی رہنما سعید غنی نے ٹوئیٹر پر جاری بیان میں کہا ہے کہ وہ دوسری مرتبہ کورونا وائرس کا شکار ہو چکے ہیں۔

اپنے پیغام میں ان کا کہنا تھا کہ میری طبیعت گزشتہ کچھ روز سے ٹھیک نہیں تھی، 4 روز قبل ٹیسٹ کروانے پر معلوم ہوا کہ میں دوسری مرتبہ کورونا وائرس میں مبتلا ہوچکا ہوں۔

سعید غنی نے مزید بتایا کہ ڈاکٹر کی ہدایت کے مطابق میں نے خود کو قرنطینہ کیا ہوا ہے جبکہ کورونا وائرس کی معمولی علامات کے علاوہ ان کی طبیعت بہتر ہے۔

واضح رہے کہ پیپلزپارٹی کے اور رہنما ایڈمنسٹریٹر کراچی بیرسٹر مرتضیٰ وہاب نے بھی صبح بتایا تھا کہ وہ کورونا وائرس کا شکار ہو گئے ہیں۔