2سول خفیہ اداروں کی رپورٹس نے حکومت کو ہلا کر رکھ دیا

ذرائع کے مطابق پنجاب میں 17 جولائی کو شیڈول ضمنی الیکشن کے حوالے سے 2 سول خفیہ اداروں کی رپورٹس نے حکومت کو ہلا کر رکھ دیا ہے۔

ذرائع کا کہنا ہے کہ ان اداروں کی خفیہ رپورٹس کے بعد ہی بعض وزراء سے استعفے دلوائے گئے، دو اداروں کی رپورٹ میں 20 حلقوں کے ضمنی انتخابات کے نتائج ففٹی ففٹی بتائے گئے ہیں۔

بتایا گیا ہے کہ لاہور کے ایک حلقے، مظفر گڑھ، جھنگ، لیہ میں تحریک انصاف کی پوزیشن بہت مضبوط ہے جبکہ پی ٹی آئی رہنماؤں اور امیدواروں کی ڈور ٹو ڈور مہم نے بھی ن لیگ کو پریشانی میں ڈال رکھا ہے۔

حکومت ضمنی الیکشن میں کم از کم 15 نشستوں کی امید لگائے بیٹھی ہے جبکہ تحریک انصاف کو شفاف انتخابات کی صورت میں 15 سے 16 نشستوں کی امید ہے۔

ذرائع کے مطابق حکومت ضمنی الیکشن میں کامیابی کے لیے 2 دن بعد ٹرمپ کارڈ کھیلے گی،15 جولائی کو تیل کی قیمتوں میں کمی کا اعلان کیا جائے گا جسے حکومت ضمنی الیکشن کے ساتھ جوڑ کر ریلیف پیکج دے گی۔