برسات سے کراچی میں وزیراعلیٰ ہاؤس کے سامنے سیوریج لائن متاثر

چیف انجینئر واٹر بورڈ کے مطابق تیز برسات کی وجہ سے وزیراعلیٰ ہاؤس کے سامنے سیوریج لائن متاثر ہوئی۔

واٹر بورڈ کے مطابق لائن کا مرمتی کام آج رات شروع کر دیا جائے گا جس کے لیے مشینری پہنچنا شروع ہوگئی ہے، مرمتی کام اگلے 72 گھنٹوں میں مکمل کیا جائے گا، متوقع برسات کی وجہ سے مرمتی کام میں دشواری ہوسکتی ہے۔

وزیر بلدیات سندھ سید ناصر حسین شاہ نے متاثرہ سیوریج لائن کا معائنہ کیا اور لائن کا مرمتی کام جلد مکمل کرنے کی ہدایت کی، ایم ڈی واٹر بورڈ رفیق قریشی کا کہنا ہے سیوریج لائن کا کام ہنگامی بنیادوں پر مکمل کیا جائے گا۔