کراچی بنانا ری پبلک بن گیا ہے:خواجہ اظہار الحسن

 ایم کیو ایم پاکستان کے بہادر آباد میں واقع مرکز میں ایک پریس کانفرنس سے خطاب کرتے ہوئے خواجہ اظہار الحسن نے کہا کہ کراچی بنانا ری پبلک بن گیا ہے، شہر میں فوری طور پر سیوریج لائن کا نیا انفرا اسٹرکچر بنایا جائے۔

انہوں نے کہا کہ ایسا لگ رہا ہے کہ جیسے شہر میں کچھ ہوا ہی نہیں، ہم نے پیپلز پارٹی سے معاہدہ شہر اورعوام کی بہتری کے لیے کیا، ایم کیو ایم وہ جماعت ہے جو کراچی کی واحد اسٹیک ہولڈر ہے۔

رہنما ایم کیو ایم نے کہا کہ  نام نہاد سیاسی جماعتیں ایم کیو ایم پر تنقید کر رہی ہیں، صدر مملکت کبھی 4 انچ پانی میں کراچی میں کشتیاں چلایا کرتے تھے اب وہ 4 سال سے خاموش ہیں، عمران خان سے بھی گزارش ہیں کہ کراچی کے لیے وقت دیں۔