اسٹرنگز بینڈ ختم کرنے پر عدنان صدیقی کا ردعمل سامنے آگیا

سماجی رابطے کی ویب سائٹ ٹوئٹر پر عدنان صدیقی نے اسٹرنگز بینڈ کے رکن گلوکار بلال مقصود اور فیصل کپاڈیا کی یادگار تصویر شیئر کی۔ٹوئٹر پر تصویر شیئر کرتے ہوئے عدنان صدیقی نے کہا کہ ’بینڈ کا یوں اچانک ٹوٹ جانا واقعی لاکھوں اسٹرنگز مداحوں کے لیے دل دہلا دینے والا مقام ہے۔

Indeed heartbreaking for millions of #Strings fans. Am sure the band’s decision must have come after thorough deliberations. Wish @stringsonline well for times ahead, knowing they’ll outshine in whatever they do next because geniuses can’t be contained! pic.twitter.com/WrQjgflvre

— Adnan Siddiqui (@adnanactor) March 28, 2021

عدنان صدیقی نے کہا کہ ’مجھے یقین ہے کہ بینڈ توڑنے کا مشکل ترین فیصلہ پوری طرح غور و فکر کرنے بعد ہی کیا گیا ہوگا۔انہوں نے کہا کہ ’وہ آگے جو بھی کام کریں گے، اُس میں یقیناََ روشن اور کامیاب ہوں گے۔

خیال رہے کہ دو روز قبل سوشل میڈیا پر سرگرم اسٹرنگز کی جانب سے 1988 میں قائم کیے گئے بینڈ اسٹرنگز کو اچانک ختم کرنے کا اعلان کیا گیا تھا، جس کے بعد فیصل کپاڈیا، بلال مقصود، عدیل علی، حیدر علی، احمد نیانی اور بریڈلے ڈی سوزا پر مشتمل اس بینڈ کا 33 سالہ سفر تمام ہوا۔یہ بینڈ 1980 کی دہائی کے اختتامی سال کے دوران وجود میں آیا اور کالج کے دنوں سے ہی اس نے دھوم مچائی۔