گنجائش پیدا ہوتے ہی عوام کو ریلیف فراہم کرتے رہیں گے : وزیراعظم 

تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹوئٹر پر پیغام میں  لکھا کہ قوم سے اپنے وعدے کے مطابق ریلیف پہنچانے کے لیے پرعزم ہیں ۔

ان کاکہنا تھا کہ اتحادی حکومت تیل کی قیمتوں میں کمی کا فائدہ عوام تک پہنچانے کے لیے کام کر رہی ہے۔

وزیراعظم نے کہا کہ جیسے ہی ہمارے پاس گنجائش پیدا ہو جائے عوام کو ریلیف فراہم کرتے رہیں گے اور وعدے کے مطابق اتحادی حکومت نے عالمی منڈی میں تیل کی قیمتوں میں کمی کے فائدے کو عوام تک منتقل کیا۔

وزیراعظم شہباز شریف نے مزید  کہا کہ میں ہمیشہ قوم سے سچ بات کرنے پر یقین رکھتا ہوں۔

میرے عوام سے وعدے کے مطابق اتحادی حکومت نے فوری طور پر عالمی منڈی میں تیل کی قیمتوں میں کمی کے فائدے کو عوام تک منتقل کیاہے۔جیسے ہی مزید معاشی گنجائش پیدا ہوگی ہم عوام تک ریلیف پہنچاتے رہیں گے. میں عوام سے ہمیشہ سچی بات کرنے پر یقین رکھتا ہوں۔

— Shehbaz Sharif (@CMShehbaz) July 15, 2022

واضح رہے کہ گزشتہ روز وزیراعظم محمد شہباز شریف نے ڈیزل کی قیمت میں 40 روپے 54 پیسے اور پیٹرول کی قیمت میں 18 روپے 50 پیسے کمی کا اعلان کیا  تھا ۔