جامشورو:ایم نائن موٹروے کے قریب خوفناک حادثہ ، 2افراد جاں بحق ،15زخمی

جی این این کے مطابق یہ   افسوس ناک  حادثہ   ایم نائن  موٹر وے نوری آبادکے قریب پیش آیا  ۔ جہاں  سکھر سے کراچی   جانے والی تیز رفتار مسافر وین نے  ٹرالر کو ٹکر مار ددی۔حادثے  کے نتیجے میں   دو افراد موقع پر جاں بحق ہوگئے جبکہ  15 افراد زخمی  ہیں ۔ حادثے کی اطلاع ملتے ہی پولیس اور امدادی ٹیمیں موقع پر پہنچ گئیں ۔

 موٹروے پولیس کے مطابق  زخمی اور جاں بحق  افراد کو طبی امداد کے لیے نوری آباد ٹراما سینٹر منتقل کردیا گیا ہے ۔ جاں بحق  افراد کی شناخت  عالیہ، اور آصف شیخ کے نام سے ہوئی ہے ، جبکہ زخمیوں میں 5 افراد کی حالت تشویشناک ہے جنہیں  حیدرآباد منتقل کیا گیا ہے ۔پولیس کے مطابق حادثہ تیز رفتاری کے باعث پیش آیا۔نوری آباد پولیس  نے وین ڈرائیور کو حراست میں لے لیا ہے۔