آرمی چیف کی زیر صدارت کور کمانڈرز کانفرنس، ملکی سلامتی و سکیورٹی صورتحال پر تبادلہ خیال

پاک فوج کے شعبہ تعلقات عامہ (آئی ایس پی آر) کے مطابق جنرل قمر جاوید باجوہ کی زیرصدارت منعقدہ کور کمانڈرز کانفرنس میں  آرمی چیف نے ملک میں جاری کامیاب انسداد دہشتگردی آپریشن کی تعریف کی۔

آئی ایس پی آر کی جانب سے جاری پیغام میں بتایا گیا ہے کہ آرمی چیف نے انسداد دہشت گردی آپریشن میں کامیابیوں کو سراہا اور ملک کے دفاع و عوام کے لیے جانیں قربان کرنے والے افسران و جوانوں کو خراج عقیدت پیش کیا۔

پاک فوج کے سربراہ جنرل قمر جاوید باجوہ نے شدید بارشوں اور سیلابی صورت حال میں فارمیشنز کے ریلیف آپریشنز کی بھی تعریف کی۔

ترجمان پاک فوج کے مطابق کور کمانڈرز کانفرنس میں سول انتظامیہ کے ساتھ مل کر ریسکیو اور بحالی آپریشنز جاری رکھنے کے عزم کا بھی اعادہ کیا گیا۔