تحریک انصاف نے فل کورٹ بنچ بنانے کی حمایت کر دی

تفصیلات کے مطابق پاکستان تحریک انصاف کے سینیئر رہنما اسد عمر نے کہا ہے کہ پی ٹی آئی کو فل کورٹ پرکوئی اعتراض نہیں، ہماری جانب سےفل کورٹ کی حمایت کی گئی ہے، ہم نے فل کورٹ کےخلاف کوئی گفتگو یا بیان نہیں دیا۔

اپنے ایک بیان میں انہوں نے کہا کہ بنچ بنا ہوا ہے اگر فیصلہ آتا ہے تو اس کے خلاف اپیل میں چلے جائیں، حکومت فل کورٹ میں جاناچاہتی ہے تو جائےہمیں اس سے کوئی اعتراض نہیں۔

واضح رہے کہ چیف جسٹس آف پاکستان عمرعطا بندیال کی سربراہی میں تین رکنی بینچ نے نے ڈپٹی اسپیکر رولنگ کیس میں حکومتی اتحاد کی فل کورٹ بنانے کی درخواست کو مسترد کر دیا ہے۔

عدالت نے محفوظ فیصلہ سناتے ہوئے کہا کہ موجودہ بینچ ہی کیس کی سماعت کرے گا، عدالت 24 گھنٹے بیٹھنے کو بھی تیار ہے، فل کورٹ کے حوالے سے نکات سامنے آئے تو مزید دیکھیں گے۔