عالمی سرمایہ کاروں نے ملک کی معیشت پر بھرپور اعتماد کا اظہار کیا ہے: حماداظہر

تفصیلات کے مطابق سماجی رابطے کی ویب سائٹ ٹوئٹر پر   پیغام میں وفاقی وزیر برائے خزانہ حما د اظہر   نے کہا کہ پاکستان نے گزشتہ روز سرمائے کی منڈی میں کامیابی کے ساتھ  پانچ، دس اور تیس سال کی مدت کے لیے یورو بانڈ جاری کر دیئے ہیں۔   انہوں نے  کہا ہے کہ یورو بانڈ پر شرح سود چھ، 7.37 اور 8.87 فیصد مقرر کی گئی ہے۔ وزیر خزانہ نے کہا کہ عالمی سرمایہ کاروں نے ملک کی معیشت اور مستقبل کے لائحہ عمل پر بھرپور اعتماد کا اظہار کیا ہے۔

Pakistan has very successfully concluded its first ever 3-tranche capital market transaction yesterday. With 5, 10 and 30 yr Eurobonds at 6%, 7.375% and 8.875%, leading global investors showed great confidence in our country's economy and future outlook.

— Hammad Azhar (@Hammad_Azhar) March 31, 2021

واضح رہے کہ گزشتہ روز فاقی حکومت نے ڈھائی ارب ڈالر کے یورو بانڈز جاری کیے تھے ۔ معاشی تجزیہ کاروں کے مطابق بانڈز کے اجرا سے زرمبادلہ کے ذخائر میں اضافہ اور ڈالر کے مقابلے روپے کی قدر میں مزید بہتری کا امکان ہے۔ اس کے علاوہ بانڈز ہونے والی سرمایہ کاری سے بیرونی سرمایہ کاروں کا پاکستان کی معیشت پر اعتماد کا بھی پتہ لگایا جاسکے گا۔