مشکلات کا شکار پاکستان مدد کیلئے پکار رہا ہے:خواجہ آصف

سماجی رابطے کی ویب سائیٹ ٹوئیٹر پر جاری پیغام میں وزیر دفاع خواجہ آصف نے کہا کہ وطن عزیز کا بیشتر حصہ خصوصاً پسماندہ علاقے سیلاب سے تباہ ہو چکے ہیں۔

انہوں نے کہا کہ سیلاب کے باعث کروڑوں لوگ بے گھر ہیں اور فاقوں، بیماریوں کا شکار ہو رہے ہیں، قوم کو اس وقت صرف سیلاب کی تباہ کاریوں کا شکار بہن بھائیوں پر توجہ دینی چاہیے۔

خواجہ آصف کا اپنے ٹوئیٹر پیغام میں مزید کہنا تھا کہ سیاست و اقتدار کی جنگ کا وقت نہیں ہے، مشکلات کا شکار پاکستان مدد کے لیے پکار رہا ہے۔

وطن عزیز کا بیشتر حصہ خصوصاً پسماندہ علاقے سیلاب سے تباہ ھو چکے ھیں. کروڑوں لوگ بےگھر ھیں.فاقوں بیماریوں کاشکار ھیں.قوم کو اسوقت صرف سیلاب کی تباہ کاریوں کا شکار بہن بھائیوں پر توجہ دینی چاہیے.سیاست و اقتدار کی جنگ کاوقت نہیں، مشکلات کا شکار پاکستان مدد کیلئے پکار رہا ھے..

— Khawaja M. Asif (@KhawajaMAsif) August 23, 2022