لاہور : سرکاری اسپتالوں میں ویکسین کی خوراکوں میں گڑ بڑ کا انکشاف

تفصیلات کے مطابق    لاہور کے سرکاری اسپتالوں  میں ویکسین کی خوراکوں میں گڑ بڑ کا انکشاف ہوا ہے،  سروسز اسپتال میں کورونا ویکسین کی  550 خوراکیں غائب ہوگئیں۔وزیر صحت  یاسمین راشد کا کہنا ہے کہ  ویکسین کہاں غائب ہوئی رپورٹ میں واضح ہوجائے گا ،جبکہ  پرنسپل سمز کا کہنا ہے کہ   ویکسین غائب نہیں ہوئی ، ریکارڑ مرتب کرنے میں مسئلہ آیا ہے۔

مزنگ اسپتال میں مناسب درجہ حرارت نہ ہونے پر350خوراکیں ضائع ہوگئیں ، ویکسین کو 2 سے 8 درجہ حرارت پر رکھنا تھا جو فریزرمیں رکھ دی گئیں، ویکسین کی 350 فریز ہونے سے خراب ہوئیں۔

 وزیر صحت ڈاکٹر یاسمین راشد کا کہنا ہے کہ  مزنگ اسپتال کے ایم ایس کو شدید غفلت کےباعث معطل کرکے انکوائری کمیٹی تشکیل دی ہے ، ذمہ داران کے تعین کے بعد سخت کاروائی کی جائے گی۔