بورے والہ : خوفناک ٹریفک حادثے میں 8افراد جاں بحق

جی این این کے مطابق  یہ افسوس ناک حادثہ بورےوالہ  لڈن روڈ پر واقع کچھی پکی روڑ 463 ای بی کے قریب  پیش آیا جہاں    ایک کار تیز رفتاری کے باعث ٹرک سے ٹکرا کر تباہ ہوگئی، جس کے نتیجے میں کار میں سوار  7افراد موقع پر دم توڑ گئے جن میں 3خواتین،  دو مرد ، دو  بچے  اور بچی شامل ہیں ۔

 اطلاع ملتے ہی پولیس اورامدادی ٹیمیں جائے حادثہ پر پہنچ گئیں ، ریسکیو ذرائع کے مطابق تیز رفتار کار بے قابو ہو کر سڑک کنارے کھڑے ٹرک سے ٹکرا گئی، حادثہ اتنا شدید تھا کہ کار میں سوار 7 افراد موقع پر جان سے ہاتھ دھو بیٹھے ۔ جاں بحق افراد  کو تحصیل ہیڈ کوارٹر اسپتال منتقل کر دیا گیا ہے جبکہ  شناخت کا عمل  جاری ہے ، مقامی پولیس نے حادثے کی تحقیقات شروع کر دی ہیں۔

بدقسمت  کار میں  سوار علاقہ لڈن سے بورے والا آ رہے تھے۔