نیشنل ہائی وے پر سندھ کےکئی مقامات پر سفر خطرناک قرار، سفر نہ کرنےکی ہدایات

ترجمان موٹروے پولیس کے مطابق قومی شاہراہ پر اضاخیل اور نوشہرہ کے درمیان سیلاب کا خدشہ ہے، موٹروے ایم ون پر برہان تا پشاور سیلاب کے خدشات موجود ہیں۔ 

ترجمان کا کہنا ہےکہ نیشنل ہائی وے پر حب سے بیلہ اور بوستان سے دلسورا تک بھی سیلاب کا خطرہ ہے، قومی شاہراہ پر سندھ کے علاقےکنڈ یارو ، مورو اور سکرنڈ بھی سیلاب کے خطرے سے دوچار ہیں۔

ترجمان کے مطابق مٹیاری کے قریب ہٹری، میانی فاریسٹ،چلگری، باڈیرو اورکھنڈو میں سیلاب کا خدشہ ہے، شہریوں سے اپیل ہےکہ عوام کسی بھی قسم کے سفر سےگریز کریں۔

ترجمان  کا کہنا ہے کہ آئی جی نے سیلاب کے پیش نظر قومی شاہراہوں پر افسران کو الرٹ اور چوکس رہنے کی ہدایت کی ہے، آئی جی خالد محمودکا کہنا ہےکہ  موٹروے پولیس سیلاب متاثرین کی بروقت مدد کے لیےکردار  ادا کر رہی ہے۔

ترجمان موٹر وے پولیس نے شہریوں کو ہدایت کی ہےکہ وہ موجودہ موسمی حالات کو مدنظر رکھتے ہوئے قومی شاہراہوں پر محتاط ڈرائیونگ کریں اور سفر شروع کرنے سے پہلے موٹر وے پولیس ہیلپ لائن 130 سے معلومات حاصل کریں۔