دشمن کو انجام تک پہنچائے بغیر جنگ بند نہیں کریں گے،اہداف کے حصول تک لڑائی جاری رہے گی،ایرانی جنرل 

تہران : ایرانی ختم الانبیا سینٹرل ہیڈ کوارٹرز کے کمانڈر کیومرس حیدری نےواضح اور دو ٹوک اعلان کیا ہے کہ ایران دشمن کو انجام تک پہنچائے بغیر جنگ بند نہیں کرے گا، ایران اپنے اہداف کے حصول تک لڑائی جاری رکھے گا اور امریکا کو شدید ضرب لگانا اولین ہدف ہے۔

تفصیلات کے مطابق جمعرات کو ایرانی ختم الانبیا سینٹرل ہیڈ کوارٹرز کے کمانڈر کیومرس حیدری نے اپنے بیان میں کہا کہ ایران دشمن کو شرمناک انجام تک پہنچائے بغیر جنگ ختم نہیں کرے گا،ان کہنا تھا کہ جنگ کتنے دن جاری رہتی ہے ہمیں فرق نہیں پڑتا، ہم پہلے بھی 8 سال تک جنگ لڑنے کا تجربہ کرچکے ہیں، اور ضرورت پڑنے پر طویل عرصے تک مقابلہ جاری رکھ سکتا ہے۔

ایرانی میڈیا کے مطابق انہوںنے مزید کہا کہ وہ اپنے مقاصد کے حصول تک فوجی کارروائیاں جاری رکھے گا، خلیج میں بڑھتی ہوئی کشیدگی کے باعث خطے کی صورت حال مزید سنگین ہوتی جا رہی ہے۔

ایرانی جنرل کا کہنا تھا کہ ایران اپنے طے شدہ اہداف کے حصول تک جنگ جاری رکھے گا اور اس حوالے سے کسی دباؤ کو قبول نہیں کیا جائے گا، امریکا کو شدید ضرب لگانا ایران کا اولین ہدف ہے۔

ان کے مطابق جنگ کتنے دن جاری رہتی ہے اس سے کوئی فرق نہیں پڑتا کیوں کہ ایران کو طویل جنگ لڑنے کا تجربہ حاصل ہے،کمانڈر کیومرس حیدری کا کہنا تھا کہ آبنائے ہرمز امریکا کی وجہ سے بند ہے اور ایران نے اسے بند نہیں کیا۔

انہوں نے کہا کہ ایرانی افواج زمین، فضا اور سمندر میں دشمن کا مقابلہ کر رہی ہیں، امریکی فوج کو پہلی بار سخت ترین جنگ کا سامنا کرنا پڑ رہا ہے۔