ہم خطے کے ممالک پر نہیں ،امریکی اڈوں پر حملہ کرتے ہیں،جو ہمارا جائز ہدف ہیں،عباس عراقچی

تہران: ایران کے وزیر خارجہ سید عباس عراقچی نے کہا ہے کہ ہم خطے کے ممالک پر نہیں ،امریکی اڈوں پر حملہ کرتے ہیں، خطے میں امریکی اڈے ہمارے لیے جائز ہدف ہیں۔

تفصیلات کے مطابق رکو روبیو کے بیان پر ردعمل دیتے ہوئے کہا کہ امریکی وزیرخارجہ نے وہ بات قبول کی جوہم سب پہلے ہی جانتے تھے، امریکی اور ایرانی اموات کاذمہ دار اسرائیل ہے۔

عباس عراقچی نے مزید کہا کہ ایران کی علاقائی ممالک کے ساتھ کوئی جنگ نہیں، ایران پر حملے سے متعلق علاقائی ممالک کو امریکا پر دباؤ ڈالنا چاہیے۔ موجودہ جنگ کوخطے کی جنگ نہیں سمجھتے۔ان کا کہنا تھا کہ سپریم لیڈر آیت اللہ خامنہ ای کا قتل مذہبی جرم ہے جس کے سنگین نتائج ہوں گے۔

انہوں نے کہا کہ ہم خطے کے ممالک پر نہیں ،امریکی اڈوں پر حملہ کرتے ہیں، خطے میں امریکی اڈے ہمارے لیے جائز ہدف ہیں، ہمیشہ ہمارے ہدف پر رہیں گے، اپنے دفاع کیلئے وہ سب کچھ کریں گے جو ضروری ہو گا۔

ان کا مزید کہنا تھا کہ ایران پر حملے کے گہرے اور خطرناک نتائج مرتب ہو سکتے ہیں، امریکا نے اسرائیل کی منتخب جنگ میں حصہ لیا۔

ایرانی وزیرخارجہ نےامریکی حملے میں جاں بحق 160 طالبات کی قبروں کی تصویر شئیرکر دی اور کہا کہ یہ وہ ریسکیو ہےجس کا ٹرمپ نے ایرانی عوام سے وعدہ کیا تھا۔