اے آئی کی گورننس ،اخلاقی استعمال اور عوامی شعبے کی رہنمائی کیلئے  پالیسی پر کام کیا جا رہا ہے ،شزا فاطمہ

اسلام آباد:وفاقی وزیر انفارمیشن ٹیکنالوجی شزا فاطمہ خواجہ کا کہنا ہے کہ مصنوعی ذہانت کی گورننس اخلاقی استعمال اور عوامی شعبے کی جدید کاریوں کی رہنمائی کے لیے نیشنل آرٹیفشل انٹیلیجنس پالیسی پر کام کیا جا رہا ہے۔

تفصیلات کے مطابق قومی اسمبلی میں وقفہ سوالات میں وفاقی وزیر شزا فاطمہ خواجہ نے بتایا کہ بلوچستان ، خیبرپختونخوا اور گلگت بلتستان کے دور دراز علاقوں میں براڈ بینڈ کی توسیع کے لیے کام کیا جا رہا ہے۔

ان کا مزید کہنا تھا کہ فائیو جی ٹیکنالوجی آنے کے بعد انٹرنیٹ کی سپیڈ مزید تیز اور بہتر ہو جائے گی۔

قومی اسمبلی خطاب میں انہوں نے کہا کہ عوامی شعبے کے ڈیجیٹل انفراسٹرکچر کے تحفظ کے لیے نیشنل سائبر سکیورٹی پالیسی کے تحت سائبر سکیورٹی فریم ورک کا نفاذ عمل میں لایا جائے گا۔