سونے کی بڑھتی قیمتوں کو ریورس گئیر لگ گیا، فی تولہ ہزاروں روپے سستا

کراچی: سونے کی مسلسل بڑھتی قیمتوں کو ریورس گئیر لگ گیا جس کے بعد عالمی و مقامی مارکیٹوں میں سونا کئی ہزار روپے سستاہو گیا۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے چوتھے روزمقامی مارکیٹوں میں 24 گرام فی تولہ سونے کی قیمت میں 2800 روپےکی کمی ہوئی ہے جس کے بعدسونے کی نئی قیمت کم ہوکر 537162 روپے کی سطح پر آ گئی ہے۔

ایسوسی ایشن کے مطابق اسی طرح دس گرام سونے کی قیمت میں 2410 روپے کی کمی ہوئی ہے جس کے بعد فی دس گرام سونا460529روپے کاہوگیاہے۔

علاوہ ازاں فی تولہ چاندی کی فی تولہ قیمت 194 روپےکم ہوکر 8810 روپے ہوگئی ہے۔ 

دوسری جانب عالمی بلین مارکیٹ میں فی اونس سونا 28 ڈالر سستا ہوکر 5144 ڈالر پر آ گیاہے۔

خیال رہے کہ گزشتہ روزعالمی مارکیٹ میں فی اونس سونا 100 ڈالر سستا ہوکر 5172 ڈالر پر آ گیاتھاجبکہ مقامی صرافہ مارکیٹ میں فی تولہ سونا 10000 روپے سستا ہوکر 539962 روپے کاہوگیاتھا۔