جانوروں کے لیے دنیا کی پہلی کورونا ویکسین تیار

تفصیلات کے مطابق روس کی جانب سے کورونا کے بڑھتے ہوئے کیسسز کے پیش نظر جانوروں کے لیے دنیا کی پہلی کورونا ویکسین رجسٹر کر لی ہے۔ جانوروں کی کورونا ویکسین سے وائرس کے شکل بدلنے کے عمل کو روکا جا سکے گا جبکہ ویکسین کی بڑے پیمانے پر پیداوار اپریل میں شروع کی جا سکتی ہے۔

کارنیواک کوو کے نام سے تیار کی جانے والی ویکسین کے بارے میں بتایا گیا ہے کہ کتوں، بلیوں، لومڑیوں اور دیگر جانوروں پر اس کے تجربات گزشتہ سال اکتوبر میں کیے گئے تھے اور یہ ان پر مؤثر ثابت ہوئی ہے۔

 روسلخوزنادزور ایجنسی کے نائب سربراہ کونسٹنٹین ساوینکوو نے بتایا کہ جتنے بھی جانوروں کو یہ ویکسین دی گئی ہے سو فیصد میں کورونا کے اینٹی باڈیز پیدا ہوئے۔ یہ دنیا کی سب سے پہلی اور واحد ویکسین ہے جو جانوروں میں کورونا کے وائرس کو روکے گی۔

روسی سائنسدانوں نے کہا ہے کہ کارنیواک ویکسین کے استعمال سے جانوروں کورونا وائرس سے محفوظ رہیں گے۔

روسلخوزنادزور نے بتایا ہے کہ یونان، پولینڈ، آسٹریا، امریکا، کینیڈا اور سنگاپور کی نجی کمپنیوں اور جانور پالنے والے اداروں نے کارنیواک کوو ویکسین خریدنے میں دلچسپی ظاہر کی ہے۔