وفاقی دارلحکومت میں خود کار نظام کے تحت ایف آئی آر ایس ایم ایس الرٹ سسٹم کا آغاز

تفصیلات کے مطابق   اسلام آباد پولیس کے انوسٹی گیشن ونگ کو جدید ٹیکنالوجی سے آراستہ کر دیا گیا، خود کار نظام کے تحت  ایف آئی آر ایس ایم ایس الرٹ سسٹم کا آغاز ہوگیا۔درخواست دہندہ کا مقدمہ درج کرکے دیے گئے نمبر پر ایس ایم ایس الرٹ کے ذریعے آگاہ کیا جائے۔

آئی جی اسلام آباد کا کہنا ہے کہ  ایس ایم ایس الرٹ کے ذریعے تفتیشی افسر اور مقدمہ نمبر کا پیغام موصول ہو گا، ایس ایم ایس الرٹ سے شہریوں کو بروقت ان کے مقدمات کی پیش رفت کے بارے میں آگاہ کرنا ہے۔

آئی جی اسلام آباد کا مزید کہنا تھا کہ  ایس ایم ایس الرٹ سسٹم متعارف کرانے کا مقصد زیروٹالرینس کی پالیسی پر عمل پیرا ہونا ہے ،   قبل ازیں شہریوں کی سہولیات کے جدید ٹیکنالوجی کو بروئے کار لاتے ہوئے متعدد اقدامات کئے گئے ہیں۔انہوں نے کہا کہ  آن لائن اپوائنمنٹ سسٹم، ای چوکی، چپ کارڈ ڈرائیونگ لائسینس، پولیس سروس سنٹر جیسے اقدامات متعارف کروائے ہیں۔