بھارت کی بڑی کاروباری شخصیت کار حادثے میں ہلاک

پولیس کے مطابق 54 سالہ سائرس مستری مرسڈیز کار پر احمد آباد سے ممبئی جا رہے تھے کہ راستے میں انکی گاڑی کو حادثہ پیش آیا۔

انکی کار سوریہ ندی کے پل پر ڈیوائیڈر سے ٹکرا گئی، حادثے میں انکے ساتھ سفر کرنے والا ایک اور شخص بھی ہلاک ہوا اور دو زخمی ہیں۔

کچھ عرصہ قبل ٹاٹا سنس نے حیرت انگیز طور پر سائرس مستری کوکمپنی کے چیرمین کے عہدہ سے ہٹاکر ان کی جگہ رتن ٹاٹا کو 4 ماہ کے لئے عارضی چیئرمین مقرر کیا تھا۔

سائرس مستری نے 29 دسمبر2012 کو رتن ٹاٹا کی جگہ اس کمپنی کے چیئرمین کا عہدہ سنبھالا تھا۔

بھارتی وزیراعظم نریندر مودی نے سائرس مستری کی ہلاکت پر افسوس کا اظہار کیا ہے۔