کراچی میں آج پھر بارش کی پیشگوئی 

تفصیلات کے مطابق شہر قائد میں آج بھی گرج چمک کے ساتھ بارش کا امکان ظاہر کیا گیا ہے۔

محکمہ موسمیات کا کہنا ہے کہ شہر میں آج بھی گرج چمک کے ساتھ آندھی ،  بارش کا امکان موجود ہے جبکہ بارش کا آغاز دوپہر کے بعد ہوسکتا ہے۔ 

محکمہ موسمیات کا کہنا ہے کہ اس وقت کراچی کے جنوب مغرب میں ہوا کا ایک کم دباؤ موجود ہے اور دوسرا ہوا کا کم دباؤ وسطی بھارتی پر موجود ہے۔

محکمہ موسمیات  کا مزید کہنا ہے  کہ 20 ستمبر کے بعد کراچی میں ایک بار پھر بارش کا اسپیل برس سکتا ہے۔

محکمہ موسمیات کے مطابق میرپورخاص، ٹھٹھہ، مٹھی، عمرکوٹ، بدین اور تھرپارکر میں بھی بادل برسنے کا امکان ہے ۔