عمران خان اور میرے گھر کی دیوار سانجھی ہے، پاکستان پیپلز پارٹی میری فیملی ہے :اعتزاز احسن

لاہور میں اعتزاز احسن نے پریس کانفرنس کرتے ہوئے یہ بات کہی۔

ان کا کہنا ہے کہ 50 سال سے عمران خان اور میرے گھر کی دیوار سانجھی ہے، پاکستان پیپلز پارٹی میری فیملی ہے۔

اعتزاز احسن نے کہا کہ سیاسی اختلاف پر کسی کو برا بھلا کہنے یا رانا ثناء اللّٰہ کی زبان استعمال کرنے پر یقین نہیں رکھتا۔

انہوں نے کہا کہ وکلاء تحریک کے دوران بھی پاکستان پیپلز پارٹی کی بجائے وکلاء قیادت چھوڑنے کو تیار تھا۔

اعتزاز احسن کا مزید کہنا ہے کہ فیک خبریں چل رہی ہیں کہ اعتزاز احسن بنی گالہ میں بیٹھا ہے، تحریکِ انصاف جوائن کرنے والا ہے۔

پاکستان پیپلز پارٹی کے سینئر رہنما نے یہ بھی کہا کہ میرا پیپلز پارٹی چھوڑنے یا کسی اور جماعت میں شمولیت کا کوئی امکان نہیں ہے۔