ٹی 20ورلڈ کپ: فلپس کی شاندار سنچری، نیوزی لینڈ کی سری لنکا کو شکست

سڈنی کے میدان میں کھیلے گئے میچ میں نیوزی لینڈ نے ٹاس جیت کر پہلے بیٹنگ کا فیصلہ کیا۔

سری لنکا کے پیسرز نے ابتدائی کنڈیشنز کا خوب فائدہ اٹھایا اور نیوزی لینڈ کے تین بیٹرز کو محض پندرہ اسکور پر پویلین لوٹا دیا۔

اس موقع پر گلین فلپس اور ڈیرل مچلز نے 84 رنز کی اہم شراکت داری قائم کی، مچلز 22 کے انفرادی اسکور پر پویلین لوٹ گئے۔

تاہم فلپس کا بلا رنز اگلتا رہا اور انہوں نے ٹی ٹوئنٹی ورلڈ کپ کی پہلی سنچری اسکور بنا ڈالی۔ یوں نیوزی لینڈ نے سری لنکا کو جیت کے لیے 168 رنز کا ہدف دیا۔

جواب میں سری لنکا کی ٹیم کا آغاز انتہائی مایوس کن رہا اور ان کی پہلی چار وکٹیں 8 رنز پر گر گئیں۔

ساؤتھی اور ٹرینٹ بولٹ نے سری لنکن بیٹرز کو کھل کر بیٹنگ کرنے نہ دی اور ایشیا کپ کی چیمپئن ٹیم 102 رنز پر ڈھیر ہو گئی۔

اس جیت کے ساتھ نیوزی لینڈ پانچ پوائنٹس کے ساتھ ٹیبل پر پہلے جب کہ سری لنکا پانچویں نمبر آ گیا ہے۔