پاکستان کو ایشین انفرا اسٹرکچر بینک نے 50 کروڑ ڈالر منتقل کردیے : وزارت خزانہ

وزیر خزانہ سینیٹرمحمد اسحاق ڈار  نے سماجی رابطے کی ویب سائٹ ٹوئٹر پر پیغام میں کہا کہ ایشین انفراسٹرکچر ڈویلپمنٹ بینک کے بورڈ کی منظوری کے بعد بینک نے 50 کروڑ ڈالر پروگرام فنانسنگ کے تحت سٹیٹ بینک آف پاکستان کو منتقل کردیئے ہیں۔

واضح رہے کہ ایشین انفراسٹرکچر ڈویلپمنٹ بینک نے بریس ترقیاتی پروگرام کے تحت پاکستان کےلئے 500 ملین ڈالر کی مالی معاونت کا اعلان کیا تھا۔

بورڈ کی منظوری کے بعد مذکورہ رقم پاکستان کو موصول ہوگئی ہے۔

وزارت خزانہ کے ترجمان نے کہا ہے کہ 500 ملین ڈالر کی منتقلی کے بعد پاکستان کے زرمبادلہ کے ذخائر میں اضافہ ہوگا۔