دیپیکا پڈوکون فیفا ورلڈ کپ ٹرافی کی رونمائی کریں گی ؟

بھارتی میڈیا رپورٹس میں یہ دعوی کیا جارہا ہے کہ   بالی وڈ اداکارہ  دپیکا  پڈوکون رواں  ماہ کے آخر میں قطر میں جاری  فیفا ورلڈ کپ ٹرافی کی نقاب کشائی کریں گی ۔ یوں  دیپیکا فٹبال ورلڈکپ میں ٹرافی کی رونمائی کرنے والی پہلی اداکارہ ہونے   کا اعزاز اپنے نام کرلیں گی ۔ 

رپورٹس کے مطابق دیپیکا پڈوکون اختتامی تقریب میں شرکت کے لیے جلد ہی قطر روانہ ہوں گی، تاہم اس وقت قطر میں فیفا ورلڈکپ کے پری کوارٹر فائنل کے مقابلے جاری ہیں۔

 ٹرافی کی رونمائی 18 دسمبر کو ورلڈ کپ فائنل سے قبل کی جائے گی۔

اس سے قبل گزشتہ ہفتے نورا فتحی  نے قطر میں فیفا فین فیسٹ کے ایک پروگرام میں پرفارم کیا تھا جس میں انہوں نے فیفا ورلڈ کپ کے ترانے ’لائٹ دی اسکائی‘ پر شاندار رقص کرکے دھوم مچادی تھی۔

خیال رہے کہ دیپیکا رواں سال 75 ویں کانز فلم فیسٹول میں بھی بھارت کی نمائندگی کرچکی ہیں اور فیسٹیول میں جیوری کی رکن بھی  تھیں۔