علاقائی
کیا سپر پاور امریکہ بھی پاکستان کیطرح دیوالیہ ہونے کے قریب ہے۔۔؟
رضوان حیدر سہوصاحب معروف کالم نگار و صحافی ہیں۔ بڑے اداروں میں اپنی صحافتی خدمات ادا کر چکے ہیں۔ آپ کا تعلق مظفرگڑھ سے ہے۔
آخر کب تک۔۔؟
تحریر： رضوان حیدر
کیا سپر پاور امریکہ بھی پاکستان کیطرح دیوالیہ ہونے کے قریب ہے۔۔؟ تو اسکا جواب ہاں میں بھی ہو سکتا ہے اور نہ میں بھی۔۔ اگر امریکہ نے اپنے اخراجات پر کنٹرول نہ کیا تو ہو سکتا ہے کہ امریکہ جیسا سپر پاور ملک بھی دیوالیہ ہوجائے۔ اور پاکستان تو قرض لینے میں امریکہ سے بھی دو ہاتھ آگے ہے۔۔ ابھی بھی وہ آئی ایم ایف کی خواہشات پر عوامی مشکلات میں کمی کی بجائے بجلی گیس، پٹرول کی قیمتوں اور عوام پر مزیر بوجھ ڈالنے کیے لیے ٹیکس کی شرح میں اضافہ کرتا جا رہا ہے لیکن اخراجات کنٹرول کرنے میں ناکام نظر آتا ہے۔۔
اور اگر امریکہ کی بات ہو تو سننے میں آیا ہے کہ جوبائیڈن حکومت کو بھی مزید قرض درکار ہے لیکن قرضوں کے بوجھ تلے دبے امریکہ کے دیوالیہ ہونے کے خدشات کے پیش نظر اپوزیشن جماعت کے نو منتخب اسپیکر کیون میکارتھی نے بلآخر صدر جوبائیڈن سے ملاقات کا فیصلہ کر لیا ہے۔انہوں نے موجودہ حکومت کو خبردار کیا کہ حکومت اپنے اخراجات کی مد میں سالانہ جمع کیے گئے ٹیکس سے زیادہ خرچ نہیں کر سکتی اسی لیے قرضوں کی حد کا مقرر ہونا ضروری ہے۔۔انکا کہنا تھا کہ حکومتی اخراجات جون میں 31.4ٹریلین ڈالر یعنی 3140 کھرب ڈالر کی حد تک پہنچ گئے ہیں۔۔جوبائیڈن انتظامیہ کو اخراجات میں مزید اضافہ نہ کرنے کی یقین دہانی کرانا ہو گی۔۔
دوسری طرف پاکستان کے معاشی حالات بھی ملک کو دیوالیہ ہونے کے قریب تر پہنچا چکے ہیں سال 2022 کے آخری 8 ماہ کے دوران پاکستان کے سیاسی اور معاشی تناؤ میں اس قدر اضافہ دیکھنے میں آیا ہے جو کہ ختم ہونے کا نام بھی نہیں لے رہا۔۔ اور اگر بڑھتے ہوئے سیاسی تناؤ میں کمی نہ لائی گئی تو ملک کو دیوالیہ ہونے سے نہ تو آئی ایم ایف روک سکے گااور نہ ہی ایٹم بم۔۔۔ امریکہ جسے سپر پاور کہا جاتا ہے اس نے بھی اس خطرناک صورتحال سے نمٹنے کے لیے اگر وہ مزاہمت کی بجائے مفاہمت کی پالیسی کو اپنا کر مزاکرات تک پہنچ سکتا ہے تو پاکستان کیوں نہیں؟۔
امریکہ پر 3140کھرب ڈالر کے قرضوں کا بوجھ ہے لیکن اگر پاکستان کے جی ڈی پی پر ایک نظر دوڑائی جائے تو ورلڈ بنک کے مطابق گزشتہ 2 سالوں 2020 سے 2022 تک گراس ڈومیسٹک پروڈکٹ (جی ڈی پی)میں 300 ارب ڈالر سے 348.26ارب ڈالر تک کا اضافہ دیکھنے میں آیا ہے۔ اور رواں مالی سال اس میں مزید 2فیصد اضافہ بھی ہو چکا ہے۔۔اور یہ اضافہ کرنٹ اکاؤنٹ خسارے اور زرمبادلہ ذخائر میں مسلسل کمی کے باعث ہے۔۔ اب سوال یہ پیدا ہوتا ہے کیا پاکستان کی موجودہ حکومت اور اپوزیشن بھی امریکہ کی طرح مزاہمتی پالیسی کو چھوڑ کر مفاہمتی پالیسی اپنائے گا یا نہیں۔۔؟
میرے خیال میں تو ایسا نہیں لگ رہا کیونکہ 2023 کو الیکشن کا سال قرار دیا گیا ہے اور حکومت نہ تو الیکشن کرنے کے موڈ میں نظر آتی ہے اور نہ ہی معاشی صورتحال کو کنٹرول کرتی نظر آ رہی ہے۔۔اور یہ واضح ہے کہ موجودہ حکومت سے معاشی صورتحال کنٹرول ہوتی بھی نظر نہیں آ رہی۔۔ اگر ان حالات میں جنرل الیکشن کرائے بھی جائیں تو پی ڈی ایم کو دوبارہ حکومت بنانے کے لیے واضح برتری نظر نہیں آ رہی۔۔ اس لیے وہ انتقامی کارروائیوں میں اپوزیشن کو الجھائے رکھنے میں مصروف ہے جب تک آئی ایم ایف سے قرض کی منظوری نہیں آ جاتی۔۔۔
ملک کی موجودہ صورتحال یہ ہے کہ ہم آج بھی کسی معجزہ کی تلاش میں ہیں اور ہماری نظریں آج بھی آئی ایم ایف کی طرف دیکھ رہی ہیں۔۔ کیونکہ بحرانوں سے گھرے پاکستان کے لیے اب وہی نجات دہندہ ہے جو ملک کو دیوالیہ پن سے بچانے گا۔۔ اگر سوال کیا جائے کہ اس ملک کو اس حد تک لانے کا کون ذمہ دار ہے تو یقین جانیں کوئی مائی کا لعل اس ذمہ داری کو قبول کرنے کے لیے تیار نہیں ہو گا۔۔ اور جواب میں الزامات کا نہ ٹوٹنے والا سلسلہ جاری ہو جائیگا اور نتیجہ وہی۔۔۔ نہ کھیڈاں گے نہ کھیڈن دیاں گے۔۔ ہماری سیاسی جماعتیں پاکستان پر حکومت کرنے کے لیے اس قدر دست و گریبان ہیں جیسے زمین کے ایک ٹکڑے کی خاطر قبضہ مافیا لڑتے ہیں۔۔ طاقتور طبقہ کمزور طبقے کو اژدھا بن کر نگلتا جا رہا ہے۔
نہ جانے کب پاکستان کی حالت بدلے گی۔۔ کب یہ ملک خوشحالی کی راہ پر گامزن ہو گا۔۔ کب اس ملک کے دہقان کو دو وقت کی روٹی میسر ہو گی۔۔کب اس ملک میں امن اور انصاف کابول بالا ہو گا۔۔ کب یہ ملک سکول، کالجز اور مساجد میں دہشتگری سے آزاد ہونگے۔۔ کب اس ملک دھرتی سونا اگلے گی۔۔ نہ جانے کب قرضوں سے چھٹکارہ ملے گا اور کب آئی ایم ایف سے جان چھوٹے گی۔۔ کب پانی بجلی ، گیس اور سستا پٹرول عوام کو ملنا شروع ہوگا۔۔ نہ جانے کب ڈالر 120 پر آئے گا اور کب تک سونا عام آدمی کے سونے کا سبب بنے گا۔۔آخر کب تک ہم یہی رونا روتے رہیں گے۔۔؟
پاکستان
نگران وزیراعظم انوار الحق کاکڑکا ابوظہبی شیخ زید جامع مسجد کا دورہ
انہیں مسجد کے اس عظیم کردار کے بارے میں بتایاگیا جس کا مقصد اسلامی ثقافت کی حقیقی روح کی ترجمانی کرنا اور دنیابھر میں مختلف ثقافتوں کے درمیان رابطوں کو فروغ دینا ہے
نگران وزیراعظم انوار الحق کاکڑنے آج ابوظہبی میں شیخ زاید جامع مسجد کا دورہ کیا ۔
وزیراعظم نے دورے کے آغاز میں شیخ زاید بن سلطان النہیان کے مقبرے پر فاتحہ پڑھی اور متحدہ عرب امارات کے بانی کی بے مثال قیادت کو یاد کیا۔ جن کی بدولت دنیا کی مختلف اقوام کے درمیان رواداری اور پرامن بقائے باہمی کا جذبہ پروان چڑھا۔
انہوں نے پاکستانی عوام اور قیادت کے ساتھ شیخ زاید کے قریبی تعلق کا ذکر کیا۔
وزیراعظم کو اس دورے میں مسجدکے اس عظیم پیغام کے بارے میں بتایا گیا جس میں دوسری ثقافتوں کے لئے بقائے باہمی، رواداری اور فراخدلی کے جذبے کو اجاگر کیا گیا ہے۔
انہیں مسجد کے اس عظیم کردار کے بارے میں بتایاگیا جس کا مقصد اسلامی ثقافت کی حقیقی روح کی ترجمانی کرنا اور دنیابھر میں مختلف ثقافتوں کے درمیان رابطوں کو فروغ دینا ہے۔شیخ زاید جامع مسجد جدید اسلامی فن تعمیر کا ایک شاہکار ہے جس میں چالیس ہزار سے زائدنمازیوں کی گنجائش ہے۔شیخ زاید مسجد متحدہ عرب امارات کی سب سے بڑی اور دنیا کی تیسری سب سے بڑی مسجد ہے۔پنجاب کے نگران وزیر اعلیٰ سید محسن نقوی اور متحدہ عرب امارات میں پاکستان کے سفیر فیصل نیاز ترمذی بھی وزیراعظم کے ساتھ تھے۔
کھیل
پاکستان کرکٹ ٹیم کے بلے باز صہیب مقصود نے سندھ پولیس پر دورانِ سفر رشوت لینے کا الزام
سندھ پولیس نے واقعہ کا نوٹس لیتے ہوئے 4 اہلکاروں کو گرفتار کرکے معطل کرکے انکوائری شروع کر دی
پاکستان کرکٹ ٹیم کے بلے باز صہیب مقصود نے سندھ پولیس پر دورانِ سفر رشوت لینے کا الزام لگایا گیا ہے۔
سوشل میڈیا پلیٹ فارم ایکس پر جاری کردہ ٹویٹ میں قومی کرکٹر نے کراچی سے ملتان کے سفر کے دوران پیش آنے والے واقعے کا ذکر کیا۔ انہوں نے سندھ پولیس پر ہر 50 کلومیٹر بعد رشوت لینے کا الزام لگایا۔
صہیب مقصود کا کہنا تھا کہ کراچی میں ہمارا آخری میچ تھا، ہماری ٹیم کوالیفائی نہ کرسکی۔ میں اور عامر یامین کراچی سے ملتان واپس بذریعہ کار آرہے تھے، میں پہلی دفعہ سندھ میں سفر کر رہا تھا۔ رات 12 بجے کا وقت تھا کہ سکرنڈ کے مقام پر ٹول پلازہ کلیئر کرنے کے بعد ایک چوکی کے پولیس اہلکار سڑک کے آگے آکر کھڑے ہوگئے۔ پولیس کے کہنے پر میں نے انہیں گاڑی کے کاغذات دکھائے۔
money then they will stop you again after 50 km and ask for money again corruption at it’s peak in sindh police 🙏🏻
— Sohaib Maqsood (@sohaibcricketer) November 27, 2023
We told them that we are international cricketers travelling to multan after our match in Karachi they still took 8000 thousand rupees and then let us go it will
انہوں نے بتایا کہ ‘کاغذات دکھانے کے بعد پولیس اہلکار نے سوال کیا کہ گاڑی کی لائٹس ہائی بیم پر کیوں چل رہی ہیں؟ جس پر میں نے کہا کہ یہ سُنسان روڈ ہے، کچھ نظر نہ آنے کی وجہ سے لائٹ تیز ہیں، آپ ٹریفک پولیس سے نہیں جو یہ سوال کریں۔ پولیس اہلکار نے کہا کہ اس کا 1 لاکھ روپے جرمانہ ہے، آپ ہمیں 12 ہزار روپے دیں ورنہ تھانے چلیں۔
اس حوالے سے کرکٹر عامر یامین نے بھی سندھ پولیس پر رشوت وصولی کا الزام لگایا ہے۔ انہوں نے کہا ہے کہ پولیس اہلکاروں نے تعارف کرانے کے باوجود ان سے رشوت لی۔ انہوں نے پھر بھی 8000 ہزار روپے لیے اور پھر ہمیں جانے دیا۔
بعد ازاں سندھ پولیس نے اس واقعہ کا نوٹس لیتے ہوئے 4 اہلکاروں کو گرفتار کرکے معطل کر دیا گیا۔ آئی جی سندھ کے احکامات پر پولیس اہلکاروں کے خلاف کارروائی عمل میں لائی گئی۔ دوسری جانب قومی کرکٹرز سے پیسے لینے کے معاملے پر ڈی آئی جی شہید بینظیر آباد نے انکوائری رپورٹ مرتب کر لی۔
ایس ایس پی حیدر رضا کے مطابق کرکٹر صہیب مقصود سے مبینہ طور پر رقم لینے کا واقعہ نواب شاہ کے علاقے کیریا اسٹاپ پر پیش آیا، جہاں پر 2 پولیس موبائل متعین تھیں، ڈیوٹی پر موجود اہلکاروں کی تصاویر کرکٹر صہیب مقصود کو بھجوائی گئی ہیں۔ رقم لینے میں ملوث پولیس اہلکاروں کیخلاف کارروائی کی جائے گی۔
ادھر سندھ پولیس کے ترجمان نے کہا ہے کہ سکرنڈ پولیس اسٹیشن کے ایس ایچ او اور ہیڈ محرر کو معطل کر دیا گیا۔ ڈی آئی جی شہید بینظیرآباد کے مطابق گرفتار چاروں اہلکاروں کے خلاف قانونی کارروائی ہو رہی ہے ،حکام کا کہنا ہے کہ معاملے کی انکوائری رپورٹ آئی جی سندھ کو ارسال کی جائے گی۔
پاکستان
عمران خان خاتون جج کی عدالت میں گئے اور معذرت کی، وکیل سلمان صفدر
چیئرمین پی ٹی آئی کے خلاف خاتون جج دھمکی کیس کی سیشن کورٹ اسلام آباد میں سماعت
خاتون جج دھمکی کیس میں عمران خان کے وکیل نے دلائل میں کہا ہے کہ عمران خان خاتون جج کی عدالت میں گئے اور معذرت کی، اگر جج زیبا چوہدری کیس چلانا چاہتی تو عدالت میں موجود ہوتیں۔کوئی لائحہ عمل دیں کہ عدالت نے کیا کرنا ہے، میں بحث کرکے چلا جاتا ہوں، ہوتا کچھ نہیں۔
ڈسٹرکٹ اینڈ سیشن کورٹس اسلام آباد میں چئیرمین پی ٹی آئی کے خلاف خاتون جج دھمکی کیس کی سماعت ہوئی۔ سول جج محمد مرید عباس نے کیس کی سماعت کی۔ چئیرمین پی ٹی آئی کی جانب سے وکیل سلمان صفدر عدالت میں پیش ہوئے۔
سلمان صفدر نے دلائل میں کہا کہ کوئی لائحہ عمل دیں عدالت نے کیا کرنا ہے۔ میں بحث کر کے چلا جاتا ہوں ہوتا کچھ نہیں۔ عدالت نے ریمارکس دیے کہ آپ اپنے دلائل دیں اس معاملے کو ہم دیکھ لیتے ہیں۔
سلمان صفدر نے دلائل دیتے ہوئے کہا کہ میری گزارش ہے کہ مجھ پر ایک احسان کریں جو کیس نہیں بنتا اس میں نہیں رہنا چاہیے، جب عدالت میں بحث شروع ہوئی تو پراسیکوشن نے مزید جرم شامل کر لئے، اسلام آباد ہائی کی جانب سے دہشت گردی کے دفعات ختم کردئیے گئے تھے، چئیرمین پی ٹی آئی پر الزام ہے کہ ایڈیشنل سیشن جج اور پولیس کے اعلیٰ افسران کو دھمکایا.
چئیرمین پی ٹی آئی پر الزام ہے کہ شرم کرو ڈی آئی جی تمہیں نہیں چھوڑنا، تم پر کیس کرنا ہے، خاتون جج کو کہا کہ آپ کے اوپر ایکشن لیں گے، لیکن اس کے محرکات کیا تھے وہ دیکھنا بھی ضروری ہے، کیا یہ کیس چل سکتا ہے یا نہیں؟ یہ عدالت نے دیکھنا ہے۔
وکیل نے مزید کہا کہ چئیرمین پی ٹی آئی کو سیاسی انتقام کا نشانہ بنایا جا رہا ہے اسلام آباد میں چالیس سے زیادہ کیسز ہیں، پی پی سی کا کوئی جرم نہیں جس کا الزام چئیرمین پی ٹی آئی پر نہیں، کمپلینٹ کا کردار ایک حد تک رہنا تھا درخواست گزار کبھی عدالت پیش نہیں ہوا نہ آج موجود ہے، درخواست گزار کی جانب سے استعمال کئے گئے الفاظ ظاہر کرتے ہیں کہ چئیرمن پی ٹی آئی نے قانونی کارروائی کا عندیہ دیا۔
عمران خان کے وکیل سلمان صفدر نے اپنے دلائل مکمل کر لئے جس پر عدالت نے سماعت ملتوی کر دی۔
نگران وزیراعظم انوار الحق کاکڑکا ابوظہبی شیخ زید جامع مسجد کا دورہ
نیب پشاور نے آمدن سے زائد اثاثے بنانے کے الزام میں علی امین گنڈا پور کو کل طلب کر لیا
دورہ آسٹریلیا ہمارے لیے چیلنجنگ ہوگا، پاکستان کرکٹ ٹیم ڈائریکٹر
-
علاقائی 2 دن پہلےشیخوپورہ سے اسلام آباد آئی بس حادثے کا شکار ،طالبہ جاں بحق
-
دنیا 8 گھنٹے پہلےکرسٹوفر لکسن، نیوزی لینڈ کے نئے وزیراعظم بن گئے
-
تفریح 10 گھنٹے پہلےعالیہ بھٹ کی ڈیپ فیک ویڈیو بھی وائرل
-
دنیا ایک دن پہلےغزہ میں گیس سلنڈر حاصل کرنے والے شہریوں کی دو کلومیٹر طویل قطاریں
-
پاکستان 2 دن پہلےایل ایم ون منصوبے کی تکمیل سے آمدورفت کےاخراجات میں کمی آئی گی ،ڈائریکٹر پلاننگ ڈویژن
-
پاکستان ایک دن پہلےحج درخواستوں کا عمل آج سے شروع ہوگا
-
پاکستان 6 گھنٹے پہلےپاکستان تحریک انصاف کاانٹرا پارٹی انتخابات کرانے کا فیصلہ
-
علاقائی 10 گھنٹے پہلےسی ایس ایس افسر بلال پاشا نے اپنی زندگی کا خاتمہ کر لیا
