بلوچستان کے علاقہ کوہلو میں دوران آپریشن دھماکہ ، دو فوجی افسران شہید

بلوچستان کے علاقے کوہلو میں آپریشن کے دوران آئی ای ڈی کے پھٹنے سے پاک فوج کے دو افسران شہید ہو گئے، آئی ایس پی آر کے مطابق سکیورٹی فورسز کی جانب سے بلوچستان کے علاقے کوہلو میں مصدقہ انٹیلی جنس اطلاعات پر  آپریشن کیا گیا، علاقے کی کلیئرنس کے دوران آئی ای ڈی دھماکا ہوا جس کے نتیجے میں میجر جواد اور کیپٹن صغیر نے جام شہادت نوش کیا

آئی ایس پی آر کا کہنا ہے کہ امن دشمنوں کو پکڑنے کے لیے علاقے میں کلیئرنس آپریشن جاری ہے، دشمن عناصر کی بزدلانہ کارروائیاں بلوچستان کا امن، خوشحالی سبوتاژ نہیں کر سکتیں۔

آئی ایس پی آر کا کہنا ہے کہ سکیورٹی فورسز جان کی قیمت پر بھی امن دشمنوں کے مذموم عزائم ناکام بنانے کے لیے پرُعزم ہیں۔