سیلفی سے روکنے پر گلوکار سونو نگھم پر ممبئی میں کنسرٹ کے دوران حملہ

ممبئی: بھارت کے مشہور گلوکار سونو نگھمپر ممبئی میں ایک کنسرٹ کے دوران حملہ ہوا ہے۔

بھارتی میڈیا رپورٹ کے مطابق ممبئی میں جاری کنسرٹ کے دوران سونو نگھم پر حملہ سیاسی پارٹی کے ایم ایل اے پرکاش کے بیٹے نے کنسرٹ کے بعد سونو نگم کے ساتھ سیلفی لینا چاہی تاہم گلوکار کے گارڈز کی جانب سے روکنے پر طیش میں آکر ایم ایل اے کے بیٹے اور بھتیجے نے سونونگھم ان کے بھائی اور باڈی گارڈز پر حملہ کردیا اور انہیں اسٹیج سے نیچے پھینک دیا۔

گلوکار سونو نگھم کو اس حملے میں کوئی چوٹ تو نہیں آئی تاہم انکے بھائی اور گارڈ شدید زخمی ہوگئے جنہیں ہسپتال منتقل کرکے فوری طبی امداد فراہم کی گئی ہے۔

#SonuNigam attacked by Uddhav Thackeray MLA Prakash Phaterpekar son and his goons in music event at Chembur. Sonu has been taken to the hospital nearby. pic.twitter.com/ERjIC96Ytv

— Swathi Bellam (@BellamSwathi) February 20, 2023

سونو نگھم  نے بھارتی میڈیا سے گفتگو کرتے ہوئے کہا کہ مجھے دھکا دیا گیا جس سے میں سیڑھیوں پر گر پڑا، ربانی خان مجھے بچانے آئے تو انہیں بھی پیچھے سے دھکیل کر اسٹیج سے پھینک دیا گیا وہ مر بھی سکتے تھے۔

گلوکار نے مزید کہا کہ میں نے اِن لوگوں کے خلاف شکایت درج کروا دی ہے لوگوں کو سوچنا چاہیے کہ وہ کسی کو زبردستی سیلفی لینے پر مجبور نہیں کرسکتے۔