اسحاق ڈار کا اپنے استعفے کی خبروں کی تصدیق یا تردید سے انکار

پارلیمنٹ ہاؤس میں صحافیوں سے گفتگو کے دوران ایک صحافی نے اسحاق ڈار سے سوال کیا کہ موجودہ معاشی صورت حال پر حکومتی حکمت عملی کیا ہے؟، جس پر وزیر خزانہ نے جواب دیا کہ 4 بج کر 10 منٹ پر پریس کانفرنس کروں گا۔

صحافی  نے وفاقی وزیر خزانہ اسحاق ڈار سے سوال کیا کہ کیا آپ استعفی دینے جارہے ہیں؟ اسحاق ڈار  نے  جواب  دیا کہ آپ کو تکلیف ہے میرے کام کرنے میں؟ صحافی نے پھر سوال کیا کہ شبرزیدی نے کہا ہے کہ آپ آج استعفی دینے جارہے ہیں؟ 

اسحاق ڈار  نے جواب میں کہا کہ اس نے اس ملک کے ساتھ کیا کیا,اس نے ملک کا بیڑا غرق کیا سب کو پتہ ہے ،شبر زیدی اربوں روپے کا ری فنڈز دے کر چلاگیا اسے تو آج جیل میں ہونا چاہیے،صحافی نے پھر سوال اٹھایا کہ موجودہ معاشی صورتحال پر حکومت کی کیا حکمت عملی ہے؟ اسحاق ڈار نے جواب دیا کہ آج چار بجکر 10 منٹ پر پریس کانفرنس کروں گا۔