روسی فضائی حملے، بڑے پیمانے پریوکرین کے شہروں کو نشانہ بنایا

یوکرین کے حکام کا کہنا ہے کہ روس نے پورے یوکرین میں متعدد میزائل حملے کیے ہیں، جو کھارکیو اور اوڈیسا میں رہائشی عمارتوں اور انفراسٹرکچر کو نشانہ بنا رہے ہیں۔

 گورنر میکسم مارچینکو نے کہا کہ ایک بڑے میزائل حملے نے بندرگاہی شہر اوڈیسا میں ایک توانائی کی تنصیب کو نشانہ بنایا، حملوں کی وجہ سے کئی علاقوں میں بجلی بند ہو گئی ہے۔

انہوں نے مزید کہا کہ رہائشی علاقے بھی متاثر ہوئے لیکن کوئی جانی نقصان نہیں ہوا۔

دشمن نے شہر اور علاقے پر تقریبا 15 حملے کیے ہیں، قابضین نے ایک بار پھر بنیادی ڈھانچے کی اہم تنصیبات کو نشانہ بنایا۔

 کھارکیو کی علاقائی انتظامیہ کے سربراہ اولیگ سینیگوبوف نے سوشل میڈیا پر کہاکہ نشانہ بننے والے اہداف میں بنیادی ڈھانچے کی سہولیات اور ایک رہائشی عمارت شامل ہے، مشرقی یوکرین کے شہر دنیپرو اور ملک بھر کے دیگر علاقوں میں مزید حملوں کی اطلاع ملی۔