ریکارڈ اضافے کے بعد سونے کی قیمتوں میں کمی کا سلسلہ جاری، مزید ہزاروں روپے سستا

کراچی: عالمی و مقامی مارکیٹوں میں سونے کی قیمتوںمیں مسلسل اضافے کے بعد کمی کا سلسلہ جاری ہے،جبکہ سوناآج بھی ہزاروں روپےسستا ہواہے۔

آل پاکستان جیمز اینڈ جیولرز کے مطابق آج کاروباری ہفتے کے پہلے روز بھی فی تولہ سونے کی قیمت 21500 روپے کم ہوئی ہے جس کے بعد فی تولہ سونا 4 لاکھ 90 ہزار 362 روپے کا ہوگیا ہے۔

ایسوسی ایشن کے مطابق اسی طرح 10گرام سونےکی قیمت18433 روپے کم ہوکر 4 لاکھ 20 ہزار 406 روپے ہوگئی ہے۔

دوسری جانب عالمی بلین مارکیٹ میں سونے کے نرخ میں تین دن کے دوران 825 ڈالر کی کمی ہوئی ہے، آج سونا 215 ڈالر سستا ہونے سے فی اونس قیمت 4676 ڈالر کی سطح پر آ گئی ہے۔

یہاں یہ بات بھی قابلِ ذکر ہے کہ 3 روز میں فی تولہ سونے کی قیمت 82500 روپے کم ہوچکی ہے۔