پاکستان کا بھارت کیخلاف میچ نہ کھیلنے پر بی سی سی آئی کاردعمل سامنے آگیا

ممبئی:بھارتی کرکٹ بورڈ(بی سی سی آئی) کے نائب صدر راجیوشکلا کا ورلڈکپ میں پاکستان کے بھارت کے خلاف نہ کھیلنے کے فیصلے پر ردعمل آگیا۔

بھارتی میڈیا رپورٹس کے مطابق بی سی سی آئی کے نائب صدرراجیو شکلا کاکہناہے کہ جب تک انٹرنیشنل کرکٹ کونسل سے کوئی بات نہیں ہوجاتی اس وقت تک بی سی سی آئی پاکستان کے فیصلے پر کوئی بات نہیں کرےگا ۔

انہوں نے مزید کہا کہ آئی سی سی نے اس حوالے سے سپورٹس مین شپ کا کہا ہے اور میں آئی سی سی کے مؤقف سے اتفاق کرتا ہوں۔

واضح رہے کہ بنگلا دیش نے بھارت میں عدم تحفظ کی بنیاد پر آئی سی سی سے ٹی ٹوئنٹی ورلڈکپ میں اپنے تمام میچز سری لنکا منتقل کرنے کی درخواست کی تھی مگر آئی سی سی نے معاملہ سمجھنے اور حل کرنے کے بجائے سکاٹ لینڈ کو شامل کرلیا۔

اس صورتحال کے بعد حکومت پاکستان نے بنگلا دیش سے اظہار یکجہتی کرتے ہوئےبھارت کے خلاف 15 فروری کو ہونے والے پاک بھارت میچ میں شرکت نہ کرنے فیصلہ سنا دیا ہے۔