آئی ٹی کے جاری ترقیاتی منصوبوں، نیو گوادر انٹرنیشنل ایئرپورٹ منصوبے کو جلد مکمل کیا جائے، احسن اقبال

اسلام آباد: وفاقی وزیر منصوبہ بندی، ترقی او اصلاحات پروفیسر احسن اقبال نے ہدایت کی ہے کہ انفارمیشن ٹیکنالوجی کے تحت جاری ترقیاتی منصوبے جو تکمیل کے قریب ہیں ان کو چوتھی سہ ماہی میں درکار فنڈز فراہم کر کے جلد مکمل کیا جائے۔

گلگت بلتستان میں اپنا آئی بورڈ قائم کریں، انفارمیشن ٹیکنالوجی پارک بھی قائم کیے جائیں۔

یہ ہدایات وفاقی وزیر منصوبہ بندی و ترقی و اصلاحات نے جمعرات کو یہاں وزارت انفارمیشن ٹیکنالوجی کے تحت جاری ترقیاتی منصوبوں میں پیش رفت جائزہ اجلاس کی صدارت کرتے ہوئے جاری کیں۔

اجلاس میں سیکرٹری وزارت انفارمیشن ٹیکنالوجی، نیشنل انفارمیشن ٹیکنالوجی بورڈ، پنجاب انفارمیشن ٹیکنالوجی بورڈ اور سپیشل کمیونیکیشن آرگنائزیشن کے اعلی حکام،سول ایوی اشن، گوادر پورٹ اتھارٹی اور وزارت منصوبہ بندی کے حکام نے شرکت کی۔

وزارت انفارمیشن ٹیکنالوجی کے حکام نے ترقیاتی منصوبوں پر بریفنگ دی۔اجلاس میں فیصلہ کیا گیا ہے کہ مارچ کے آخر میں ان منصوبوں کا ایک تفصیلی جائزہ لیا جائے گا تاکہ فورتھ کوارٹر کے فنڈز جاری کئے جا سکیں۔

اجلاس سے خطاب کرتے ہوئے وفاقی وزیر نے کہا کہ ا انفارمیشن ٹیکنالوجی کے تحت جاری ترقیاتی منصوبے جو تکمیل کے قریب ہیں ان منصوبوں کو چوتھی سہ ماہی میں درکار فنڈز فراہم کر کے جلد مکمل کیا جائے۔

انہوں نے متعلقہ حکام کو ہدایت جاری کی کہ گلگت بلتستان کا اپنا آئی بورڈ قائم کرے جبکہ انفارمیشن ٹیکنالوجی پارک بھی قائم کیے جائیں اور یونیورسٹی آف قراقرم کو اس میں شامل کیا جائے تاکہ وہاں کے عوام اس سے بھرپور فائدہ اٹھا سکیں۔