کوئٹہ کی عدالت نے عمران خان کے وارنٹ گرفتاری جاری کر دیئے

کوئٹہ کی عدالت نے اداروں کے خلاف ہرزہ سرائی کےکیس میں چیئرمین پاکستان تحریک انصاف عمران خان کے ناقابل ضمانت وارنٹ گرفتاری جاری کردیے۔

جوڈیشل مجسٹریٹ نے حکم دیا ہےکہ عمران خان کو گرفتار کرکے عدالت کے روبرو  حاضر کیا جائے۔عمران نے اسلام آباد اور کوئٹہ میں درج مقدمات میں حفاظتی ضمانت کیلئے ہائیکورٹ سے رجوع کرلیا.عمران خان پر اداروں کے خلاف ہرزہ سرائی کا مقدمہ بجلی روڈ تھانہ میں درج ہے۔

واضع رہے کہ دو روز قبل شہری عبدالخلیل کاکڑ کی جانب سے درج کرائےگئے مقدمے میں موقف اختیار کیا گیا تھا  کہ عمران خان نے ریاستی اداروں کے خلاف بے بنیاد الزامات عائد کئے۔درخواست میں موقف اختیار کیا گیا کہ عمران خان نے ریاستی اداروں کے افسران کے خلاف بلاجواز اشتعال انگیز تقاریر کرکے نفرت پھیلائی۔عمران خان نےگزشتہ روز لاہور ہائی کورٹ میں کوئٹہ کے  مقدمے میں حفاظتی ضمانت کی درخواست دائر  بھی کی تھی۔