زمان پارک آپریشن کا خدشہ: بشریٰ بی بی کا وزیراعظم اور نگراں وزیراعلیٰ کو مراسلہ

ٓعید الفطر کےموقع پر زمان پارک میں آپریشن کے خدشے کے پیش نظرعمران خان کی اہلیہ بشریٰ بی بی نے وزیر عظم اور نگراں وزیر اعلی سمیت کو مراسلہ لکھ دیا ۔

ایڈووکیٹ اظہر صدیق کی وساطت سے لکھے جانے والے اس مراسلے میں کہا گیا ہے کہ عید کے موقع پر لاہور میں چیئرمین پی ٹی آئی عمران خان کی رہائشگاہ زمان پارک میں آپریشن کا خدشہ ہے۔

مراسلے کے متن کے مطابق لارجر بینچ کا فیصلہ موجود ہے تاہم عدالتی حکم کی غلط تشریح کرنےکا پلان بنایا گیا ہے، پہلے بھی عدالتی حکم کی خلاف ورزی کرتے ہوئے آپریشن کیا گیا۔ ساتھ ہی متنبہ کیا گیا ہے کہ وزیراعظم اور نگراں وزیر اعلیٰ سمیت دیگر حکام کسی بھی آپریشن سے باز رہیں۔

بشریٰ بی بی کی جانب سے لکھے گئے مراسلے میں واضح کیا گیا ہے کہ اگر زمان پارک آپریشن کیا گیا تو اعلیٰ عدالتوں سے رجوع کیا جائے گا۔