رمضان البارک کے دوران رواں سال 25 فیصد زیادہ عمرہ زائرین آئے، سعودی وزیر داخلہ

مکہ مکرمہ: سعودی وزیر داخلہ شہزادہ عبدالعزیز بن سعود نے کہا ہے کہ رمضان المابرک کے دوران گزشتہ برسوں کے مقابلے میں روان سال عمرہ زائرین کی تعداد میں 25 فیصد اضافہ ریکارڈ کیا گیا۔

سعودی اخبار کے مطابق وزیر داخلہ نے گزشتہ روز وزارت کے اعلی عہدیداروں اور سکیورٹی اداروں کے کمانڈروں سے مکہ مکرمہ میں ملاقات کے دوران بتایا کہ روان سان عمرہ زائرین کی تعداد میں اضافے کے ساتھ پیشہ ورانہ لیاقت،ٹیکنالوجی پر انحصار اور پیشگی منصوبہ بندی کا رواج بڑھ رہا ہے۔

انہوں نے کہا کہ عمرہ سیزن میں سکیورٹی اہلکاروں نے جو کاوشیں کیں وہ زبردست ہیں۔ عمرے پر آنے والوں، نمازیوں اور زائرین کے حلقوں میں امن و سلامتی کا احساس بڑھا ہے۔

وزیر داخلہ نے توجہ دلائی کہ اعلی سعودی قیادت کی مسلسل تاکید ہے کہ ایسے تمام اقدامات کیے جائیں جن سے زائرین عمرہ، حج اور زیارت کے کام سہولت اور اطمینان کے ساتھ کرسکیں۔